8.مؤسسة منبريون للنساء🧿

2022-08-18 22:24:46 #قصائد_السبي_محرم_الحرام_١٤٤٤_هـ

#مؤسسة_منبريات_للخطابه_الحسينيه



جابو النوك هزله وصحت عباس
تمشي ام الخدر وي كوم الارجاس __

قصيده على وزن يخيمات بحق السبي



سبيات خلانه الوكت نمشي سبيات

وحنه     بزودنه    وجنه    اميرات

باتن    بالجفن    يا   ناس   دمعات


جنه امس/ويه البطل/يبره الضعن/خواته

راعي العلم/يا دنيتي/اسمع خبر/وفاته

ماتنطفي/نار الكلب/واشتم عطر/شماته

مني رحل/ذاك الاخو/الماتنوصف/صفاته

تميلين ليش وياي يادنيه تميلين

اخذتي الجان هيبه ونور للعين

عباس البطل يا دنيه وحسين

راح الولي/وطش الضعن/ماضن يرد/علينه

ريحت حرك/خيمه وعبي/وين الكفل/يجينه

صياط العده/فوك المتن/نشكف نضل/بدينه

وين البطل/خل نخبره/انكله تره/أنسبينه

يعباس خويه نذال سابينه يعباس

وعمده كبالنه ايرفعون بالراس

ماترحم يخويه كوم الرجاس


خال الولد/ضل عالنهر/ماكام الي/وجاني

ثاري الولي/جفه انكطع/موقف صعب/عماني

بسهم الغدر/عينه انطفت/كبله عسه/رماني

فراك الاهل/كلش كلف/شلون الكفل/جفاني

يبارون عكبه شلون لضعوني يبارون

وكدامي بعلي كاموا يشتمون

من غصبآ جرعت الصار تدرون


ماتنحمل/عكب الاهل/وي الغرب/اسيره

شلون البطل/يرضاها الي/من ديره اروح/لديره

ام الخدر/زينب انه/المدلله/واميره

بس للحزن/كلبي صفه/عاش بألم/مصيره

تون حيل احس بالروح عالشالوا تون حيل

على فراك الولي مانام بالليل

وضل بس الجسد لا روح لا حيل


بقلم الشاعرة سحر ام كرار الساعدي

غير مبري الذمه من يحذف اسم الشاعر

____
𖧷𖧷𖧷𖧷𖧷𖧷



مؤسسة منبريات للقصائد النسائيه
https://telegram.me/ahmed_alziwar17

كروب 2 خاص بنشر وتلحين القصائد
https://t.me/+tVGiZHdfNq81ZGYy Open / Comment

2022-08-18 22:24:46 #قصائد_السبي_محرم_الحرام_١٤٤٤_هـ

#مؤسسة_منبريات_للخطابه_الحسينيه



جابو النوك هزله وصحت عباس
تمشي ام الخدر وي كوم الارجاس __

قصيدة على طور ( يخيمات)  للملا عمار الكناني

يعباس هاي اختك سبيه هايعباس
هيـه تـريـد بيـكـم تـرفـع الــــراس
مـسبيه اصـبحت ما بـين الارجاس
............................................
زبنب.. تون.. من الهضم.. هاي العده سبتها
تبجي وتريد..الها اخو.. ايشوف الكفر.. ولتها
ذوله الكفر.. حرگوا خيم.. هاي الحرم واهضمتها
سحگن جمر.. يا ابالفضل.. نوب العده اچتفتها
اديها خشنه حبال ملفوفه اعله ديها
ولا گـــام الـولي يفـــزع يـجـيها
يـا عـبـاس ويـنـك يـا ولــيـها
................................................
خويه يخويه... يالولي.. بين العده.. اتخليني
مسبيه.. ما... بين الغرب.. زَجر الي ذي يحديني
ابجي... واباااوع... كافلي.. ردتك تجي.. اتحاميني
ترضاها.. يا.. خويه.. النذل.. انه اختك..او.. يسبيني
النذال ياخويه عكب عينك النذال
مسـبيه خـذوني اتمـرمر الحال
توجعني يخويه اهواي الاحبال
....................................................
ترضاها خوويه.. كافلي.... انه اختك.. ويسبوني
شدوها ايدي... بالحبل.. ذوله العده... وشتموتي
انظر انه... جيتك الي... وينك ينوور.. اعيوني
ذلوني مـن.. بعـدك انه... هـاي العده... ذلوني
يغيره ياعباس ياراعي الغيره
اختك هالوكت حيرتها حـيره
ويـنك يالـولي هـاي الامــيره
...................................................
خويه يخويه... امروتك... فدوه اكعد... اوحاجيني
انظر على... اطفال وحرم.. بدرب السبي.. تبجيني
ريتك يخووويه.. كافلي.. ترجعلي وتحاميني
ترضاها خوويه.. يالكمر.. هذا النذل..يسبيني
سباني  من بعدك يخويه هالسباني
ضــربنـي وشــــتماني وعـذبـــانـي
ورقية اتكــول مجـروحـــات اذاني
.....................................................
زينب.. سبييه.. يا كفل... درب السـبي اذاها
خوله وسكينه.. يالولي... هذا.. النذل.. ضرباها
وارقيه عالناكه.. تون.. تبجي. وتهل.. عيناها
ملعون اجه... بايده النذل... هاي.. الاذن.. جراها
رقيه مهضومه وتون هايه رقيه
مـن ضـمن السـبي هيـه ســبـيه
وين اهــل والوفه واهل الحميه
....................................................

بقلم واحساس
صاحبـة القلم الزينـبي
# الشاعرة هاجر الزينبية
غير مبر

____
𖧷𖧷𖧷𖧷𖧷𖧷



مؤسسة منبريات للقصائد النسائيه
https://telegram.me/ahmed_alziwar17

كروب 2 خاص بنشر وتلحين القصائد
https://t.me/+tVGiZHdfNq81ZGYy Open / Comment

2022-08-18 22:24:46 #قصائد_السبي_محرم_الحرام_١٤٤٤_هـ

#مؤسسة_منبريات_للخطابه_الحسينيه



جابو النوك هزله وصحت عباس
تمشي ام الخدر وي كوم الارجاس __


قــصــيــده ثــقــيـلـه لـلـــســبــي

❥❥ـــــــــــــ❁❂❁ـــــــــــــ❥❥

ياناكــه ريضي شــويه * انطي العزيز اميه
عطشانه اشــبك نحره * كـل حيل لا مابيه

❥❥ـــــــــــــ❁❂❁ـــــــــــــ❥❥

ياناكه ريضي بممشاج لااعثر كبال حسين
مشتاكه حـيـل النـحـره ياناكتي لو تدرين
كـلـش عزيــز الوالي يستاهل دموع العين
عطشانه اشــبك نحره * بس انه يامسبيه

❥❥ـــــــــــــ❁❂❁ـــــــــــــ❥❥

صـار ضـهـر خــل يرتاح من رمح يا راسه
مـذبـوح بس عنده عتب ماتنكطع انفاسه
صوبين شابح عيـنــه نـوبه الــي وعباسه
عطشانه اشــبك نحره * ابجي واون ليله

❥❥ـــــــــــــ❁❂❁ـــــــــــــ❥❥

نـزليـني يانــاكه اهنا خنلـوذ كـلنـه سنده
ينكـط محنه علرمح بس جسد مو عنده
فـوك رمل ضــل جسمــه ياهو اليه ايرده
عطشانه اشــبك نحره * جــتاله الفراكيه

❥❥ـــــــــــــ❁❂❁ـــــــــــــ❥❥

ريضــي ينوك بهونج عـلكيف شو نزليني
ناحـله وحيـلي ركــد شفت العزيز بعيني
روس تحـدي ويانه شفتي سبي ماذيني
عطشانه اشــبك نحره * يايوم الوداعيه

❥❥ـــــــــــــ❁❂❁ـــــــــــــ❥❥

بــس الملاجه وزلم وياي تحدي العدوان
شنهي المره وميسره تريد وياهه اخوان
لاخــيم ضـلــت لاهـلي نيام كلها بميدان
عطشـانه اشــبك نحره * معتازه الحنيه

❥❥ـــــــــــــ❁❂❁ـــــــــــــ❥❥

تــــمت بقــــ لم خادمه أهل البيت عليهم السلام

الشـــاعره الكبيره العلويه ام كنـــان الهاشمــي صاحبه دواوين أسيره الطفوف


لا أجيز من يحذف اسم الشاعره أو من ينسب القصيده له غير مبرئ الذمه أمام
الله وأمام الزهراء ع
____
𖧷𖧷𖧷𖧷𖧷𖧷



مؤسسة منبريات للقصائد النسائيه
https://telegram.me/ahmed_alziwar17

كروب 2 خاص بنشر وتلحين القصائد
https://t.me/+tVGiZHdfNq81ZGYy Open / Comment

2022-08-14 22:44:56 #قصائد_السبي_محرم_الحرام_١٤٤٤_هـ

#مؤسسة_منبريات_للخطابه_الحسينيه



جابو النوك هزله وصحت عباس
تمشي ام الخدر وي كوم الارجاس __

نزله حيدريه سريعه ل نهاية المجلس السيده زينب عليها السلام
=============


وياچ وياچ . يزينب بت علي

وياچ وياچ . يزينب بت علي



وياچ للموت منعوفچ ابد

نعاهد العباس نبقى علعهد

ماننسه الحسين دوم وللابد

نفديله ارواح نفديله الولد

وياچ وياچ . يزينب بت علي



نحلف بلچفوف نحلف بلنبي

وياچ للدوم ونهجي زينبي

هاي اخت الحسين لاماتنثني

وياچ وياچ . يزينب بت علي



شافت الأهوال بيام السبي

مادنگت راس لاطاحت عبي

اخت ابو فاضل عباس الأبي

وياچ وياچ . يزينب بت علي



جينه معزين بيت ال النبي

مولاتي مهموم بگلبي مطلبي

احلفج بلحسين اقضي حاجتي

وياچ وياچ . يزينب بت علي



هليوم ننخاچ يزينب بت علي

يابت الاكرام اگضي حاجتي

عذبتني الألأم اريدن صحتي

وعندي حوايچ انطيني رادتي

وياچ وياچ . يزينب بيت علي


============
خادمتة ال البيت الحجيه ام علي البصره نسألكم الدعاء

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه

____
𖧷𖧷𖧷𖧷𖧷𖧷



مؤسسة منبريات للقصائد النسائيه
https://telegram.me/ahmed_alziwar17

كروب 2 خاص بنشر وتلحين القصائد
https://t.me/+tVGiZHdfNq81ZGYy Open / Comment

2022-08-14 22:44:51 #قصائد_السبي_محرم_الحرام_١٤٤٤_هـ

#مؤسسة_منبريات_للخطابه_الحسينيه



جابو النوك هزله وصحت عباس
تمشي ام الخدر وي كوم الارجاس __

نعي مع ابوذيه لسان حال السيده زينب سلام الله عليها
==========


شتانين من شالو يروحي

وياهم للگبر باچر ي روحي

هواي جروح مو واحد يروحي

ضاع احسابهن بلغاضريه

..................

عمّت عليه الغاضريه

وراحو هلي من بين اديه

ورديت مهظومه وسبيه

ولك موت وياهم يگلبي

...................

مهظومه وما احمل حچايه

ورديت وجروحي هوايه

ما حسبت هاي النهايه

مهموم من يومك يگلبي

................

ماحسبت بيهم يبعدون

وعلى الغريبه ماينشدون

لو اموت لو يرحن هلعيون

راحو اهلنه الدللونه

................

لو اموت لو يعمن عيوني

راحو هلي ما ودعوني

اضنهم خوال ابني نسوني

نسونه وما حسبو بينه

.................

نسوني وما نشدو عليه

محد بقه منهم اليه

چاوينكم يهل الحميه

تعودون لو نگطع الضنه

...............

يهل الحميه والحچي الزين

يربات اهلنه والدواوين

ردو علينه وين ماشين

طالت الغيبه وضيعونه


===========
خادمة ال البيت وخادمتكم
الحجيه ام علي البصره

قناة الحجيه ام علي البصره احزان العترة الطاهرة
قناة خادمة ال البيت الحجيه ام علي البصره
لانجيز حذف اسم الحجيه ام علي من قصائدها غير مبرء للذمه

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتي

____
𖧷𖧷𖧷𖧷𖧷𖧷



مؤسسة منبريات للقصائد النسائيه
https://telegram.me/ahmed_alziwar17

كروب 2 خاص بنشر وتلحين القصائد
https://t.me/+tVGiZHdfNq81ZGYy Open / Comment

2022-08-14 22:44:46 #قصائد_السبي_محرم_الحرام_١٤٤٤_هـ

#مؤسسة_منبريات_للخطابه_الحسينيه



جابو النوك هزله وصحت عباس
تمشي ام الخدر وي كوم الارجاس __

قصيده للسبي ورفع الرؤس الشريفه
تقرأ بطور الموشح والثقيل والحيدريه وبعدة اطوار
============


روس اهلنه علرماح والسبايا رايحه

وانه وياهم خذوني وين اسوي الفاتحه

ياهو ينصبلك عزيه.........
وختك اخذوها سبيه ......

وين اسوي الفاتحه

============

شلون اسويلك خميسك انه خويه محيره

شلون گلي حسين خويه هم غريبه وهم مره

والعدو ماعنده رحمه ونته تدري بلجره

گلبي من يوم المشيتو أنكسر ياهو اليجبره

ايدي مشدوده ورايه .....
ياهو ايسوي اقرايه .....

وين اسوي الفاتحه



ريت اسويلك عزاء
وحيل ادگ اعلى الصدر

وعلى رلس اختك يوالي
اهيلن اتراب الگبر

ريته مو دمك النازف
ريته دمي الي يخر

خويه لفراگ الغوالي
منين اجيبلي صبر

على راس اختك يوالي .....
اهيلن اتراب الغوالي .....

وين اسوي الفاتحه



حسين من غصبن عليه
ماشيه بگلبي العذاب

خويه لاتعتب يوالي
وداعتك محمل عتاب

اتمنى اسويلك اقرايه
وبيدي اطبخلك ثواب

انته ادرى بحالي خويه
ميسره وبيد الاجناب

والشمر يزمخ عليه .....
گلي ياخويه شبديه .....

وين اسوي الفاتحه



خويه من ارجع يوالي
كون اسويلك عزه

ونكعد انعيد المأسي
نعلي اصوات البكه

وراسك بحضني وجيب
جفوف شيال اللوه

أبچي بحرگة افادي
وارد اعاتب كربله

ارد اعاتبها الطفوف .......
ليش مگطوعه الچفوف ....

وين اسوي الفاتحه


==============
خادمة ال البيت وخادمتكم الحجيه ام علي البصره نسألكم الدعاء

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها

____
𖧷𖧷𖧷𖧷𖧷𖧷



مؤسسة منبريات للقصائد النسائيه
https://telegram.me/ahmed_alziwar17

كروب 2 خاص بنشر وتلحين القصائد
https://t.me/+tVGiZHdfNq81ZGYy Open / Comment

2022-08-14 22:44:41 #قصائد_السبي_محرم_الحرام_١٤٤٤_هـ

#مؤسسة_منبريات_للخطابه_الحسينيه



جابو النوك هزله وصحت عباس
تمشي ام الخدر وي كوم الارجاس __
أحزان العترة الطاهرة
قناة خادمة ال البيت الحجيه ام علي البصره
لانجيز حذف اسم الحجيه ام علي من قصائدها غير مبرء للذمه
https://t.me/ahzan2018

قصيده ثقيله على لسان السيده زينب عليها السلام
تعاتب الرياح عندما هبت وحركت عبائتها وهن سبايا في الصحراء
ملاحضه؟
تحرّك بمعنى الرياح عندما تهب وتُحرّك الاشياء
وليس النار
===========



يريح الهاب :: لتحرّك عباتي

مو تدري حدرها مدلّلاتي

دخيلك ياهوى الهاب
من عيون الاجناب

يفرحون بهتك ستري الاعادي

يريح الهاب لتحرّك عباتي

===========

دخيل الله ودخيلك ياهوى الهاب

لاتهتك ستر گدام الاجناب

مايقبل علينه داحي الباب

خليها عباتي
تحت ظلها خواتي

يدورن علستر كلهن بناتي
يريح الهاب لتحّرك عباتي



لو طارت عباتي تشمت اعداي

تره گلبي خلص بهداي وياي

من خوفي علستري اعثر بممشاي

والكافل تركني
وراح بعيد عني

خدري والستر احد صفاتي
يريح الهاب لتحّرك عباتي



تره هاي العبايه خيمه صارت

حدرها اطفال والنسوان لاذت

تهتك كل سترهن اذا راحت

بنات النبي لاذن
تحت العبا نامن

بهيده ياهوى استرهن خواتي
يريح الهاب لتحّرك عباتي



احلفك ياهوى بأمي الحزينه

بعيد بعيد هب وستر علينه

تدرينه حريم بلا ولينه

حريم بغير وليان
وحگ داحي البيبان

ماضلو زلم راحو حُماتي
يريح الهاب لتحرّك عباتي



حدرها اطفال نامو من تعبهم

لابيت اليلمهم لا خيمهم

من حرگو الخيمه راح ظلهم

عطش والحر صهرهم
سوط الشمر ضرهم

من حر الشمس يبست لهاتي
يريح الهاب لتحرّك عباتي



حدر اعبايتي لاذت رقيه

خافت من ظرب انذال اميه

لا عدها ولي لاكو تچيه

لاوالدها موجود
لاعمها بلوجود

ضربوها خذو منها التراچي
يريح الهاب لتحرّك عباتي



تدرينه حريم بغير وليان

وتدري الخدر غالي وماله اثمان

وماموجود غير عليل وجعان

ينوح وحيل مابيه
وهتك الستر ياذيه

لاتهتك ستر لمدللاتي
يريح الهاب لتحرّك عباتي



ما همني يريح شما جرالي

ضرب متوني او ضيعت دلالي

كل همي تره ستر الغوالي

بسك لاتهب حيل
خلي يچلچل الليل

أتمنى گرّبت ساعة وفاتي
يريح الهاب لتحرّك عباتي


===========
خادمة ال البيت وخادمتكم الحجيه ام علي البصره

ملاحضه...
تحرّك بمعنى الرياح عندما تهب وتحرك الاشياء
وليس النار

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط


____
𖧷𖧷𖧷𖧷𖧷𖧷



مؤسسة منبريات للقصائد النسائيه
https://telegram.me/ahmed_alziwar17

كروب 2 خاص بنشر وتلحين القصائد
https://t.me/+tVGiZHdfNq81ZGYy Open / Comment

2022-08-14 22:42:06 #قصائد_السبي_محرم_الحرام_١٤٤٤_هـ

#مؤسسة_منبريات_للخطابه_الحسينيه



جابو النوك هزله وصحت عباس
تمشي ام الخدر وي كوم الارجاس __
الطميه لليسر


يناكه ارجوج خلي الممشه بهداي
ومايدرون نومه بيسري والياي


يناكه ارجوج عفت خواني نومه
ظلوا عاالارض وبكاع حومه
كل واحد يون لا مالومه
خليني امرن واكعد اشواي


يناكه ارجوج يمهم هادخليني
اودعهم تره مشتاكه تدريني
بلشجعان والمذبوح مريني
عطشانين ماشربو تره الماي


اروحن لليسر واشلون روحه
أزود للولي ياناكه نوحه
مايحمل شمس ياترفه روحه
خل احجي واكلهم رايحه ابهاي


ابهونج هايناكه اوياي علكيف
اوصي حسين والعباس ياحيف
خلي يمرني الغالي تره بطيف
بلكلي يكوم يكعد يمشي اوياي



خل ابجي يناكه واجري الدموع
وادري حسين راسه وياي مرفوع
وكلبه بلسهم نصين مكطوع
تهل ادموم لاجله اليوم عيناي


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبي


____
𖧷𖧷𖧷𖧷𖧷𖧷



مؤسسة منبريات للقصائد النسائيه
https://telegram.me/ahmed_alziwar17

كروب 2 خاص بنشر وتلحين القصائد
https://t.me/+tVGiZHdfNq81ZGYy Open / Comment

2022-08-14 22:42:00 #قصائد_السبي_محرم_الحرام_١٤٤٤_هـ

#مؤسسة_منبريات_للخطابه_الحسينيه



جابو النوك هزله وصحت عباس
تمشي ام الخدر وي كوم الارجاس __

قصيده للسيده زينب ع (هدن الحيل)


قصيده للسيده زينب عليها السلام "لسان حال السيده فاطمه الزهراء تسال ابنتها زينب ليلة الحادي عشر عندما ذهبت لوداع اخوانها... وتكلهه.....


نواعيج يزينب هدن الحيل
شعندج طالعه تركضين بليل
##########؟
نواعيج يزينب لمن تنعيهن
احس ونات كلبج تنسمع بيهن
المن عينج ينزلن بواجيهن

يزينب خايفه انتي ويرعب الليل
نواعيج يزينب هدن الحيل
###########؟
يزينب خايفه وحكج اذا خفتي
لأن عمرج بشر ياحره ماشفتي
ونحور مكطعه هليوم شاهدتي

وهامات برماح دمومهن سيل
نواعيج يزينب هدن الحيل
###########؟
شهدتي الماكبل عينج مشاهدته
سبعين الف غالي اليوم فاكدته
وخيل الاعوجيه حسين طاحنته

ومن ابن النبي ماخجلت الخيل
نواعيج بزينب هدن الحيل
############؟
و شفتي الي كفل ضعنج عله الشاطي
ورحتليه وصرختي اكعدلي يزماطي
عندي عتاب الك ويطول مو باطي

ويحله وياك يعتاب المداليل
نواعيج يزينب هدن الحيل
###########؟
انه شفت الهظم هليوم بعيوني
عكب عين الجفلني ورمن متوني
وراح امشي يسيره ويه اليكرهوني

ويارفج الشماته يريد العويل
نواعيج يزينب هدن الحيل
############؟
ويارفجت الشامت خويه مكدرهه
ومدري شلون باجر راح ادبرهه
وانظر روسكم روحي شيصبرهه

واروح ابعيد عنكم يلمجاتيل

____
𖧷𖧷𖧷𖧷𖧷𖧷



مؤسسة منبريات للقصائد النسائيه
https://telegram.me/ahmed_alziwar17

كروب 2 خاص بنشر وتلحين القصائد
https://t.me/+tVGiZHdfNq81ZGYy Open / Comment

2022-08-14 22:41:56 #قصائد_السبي_محرم_الحرام_١٤٤٤_هـ

#مؤسسة_منبريات_للخطابه_الحسينيه



جابو النوك هزله وصحت عباس
تمشي ام الخدر وي كوم الارجاس __

ام علي:
قصيده ثقيله للمسير للكوفه
لسان حال السيده زينب عليها السلام
=========

ياكلبي جرحك عوفه

وامشي بعزم للكوفه

كل الحزن يتأجل
بت علي لاماتنذل

وامشي بعزم للكوفه

=========

ياكلبي بالك لاتذل
للذله ابدٱ هيات

وشما جره من اهل الفتن
احنه نضل السادات

مثل الجبل ماننثني
مرفوعه دوم الهامات

وروس الحراير شامخه
حت لو مشن مسبيات

حزام الصبر ماينفل
بت علي لا ماتنذل

وامشي بعزم للكوفه



رغم السياط على المتن
نسكت ومايطلع صوت

مايرحم ادري الناصبي
سوطه بلظلوع ايفوت

شفنه الهظم شفنه الألم
بدرب السبي شفنه الموت

من كد مصايب كربلا
اتنمى چنت التابوت

حجاب الخدر ماينحل
بت علي لاماتنذل

وامشي بعزم للكوفه



ما اجزع ولا انثني
بلحبل لو شدوني

ماريد تنزل بلسبي
دمعه حزن بعيوني

يبقى الصبر لم الصبر
ماكدرو يغلبوني

انه العقيله ام الخدر
بت حيدرا يعرفوني

والمادره خل يسأل
بت علي لاماتنذل

وامشي بعزم للكوفه



صح علرمل عفت الاهل
بلايه غسل كلها جروح

عطر الشهاده والوفه
منهم علرمله يفوح

وعفنه الرجال مطشره
من غصبن اعلينه نروح

وسكنه ورقيه وفاطمه
وكلثومه وياي تنوح

رغم الگلب لمعلعل
بت علي لا ماتنذل

وامشي بعزم للكوفه



لتراوي دمعات الحزن
تشمت تراهي العدوان

ياگلبي اجل عبرتك
لمن ترد للوليان

وهناك اصب فاتحه
وهيل على راسك تربان

وبچي بحزن للمنذبح
وللباقي ابلا ذرعان

وابچي البچي المعدل
بت علي لاماتنذل

وامشي بعزم للكوفه

=========
خادمة ال البيت
الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القنا

____
𖧷𖧷𖧷𖧷𖧷𖧷



مؤسسة منبريات للقصائد النسائيه
https://telegram.me/ahmed_alziwar17

كروب 2 خاص بنشر وتلحين القصائد
https://t.me/+tVGiZHdfNq81ZGYy Open / Comment