عٌلَى أّلَدِنِيِّأّ أّلَعٌفِّهِ مَنِ بِعٌدِ آلآمـآمـين مَنِ بِعٌدِ عٌبِأَّّس خَوِيِّ وِأّبِنِ أّمَيِّ أّلَحٌَّسيِّنِ ـــــــــــــــــــــــــــــــــــــــــــــ يا حبيبي ياحسين نور عيني ياحسين أنا لا انسى الحسين فهو دامي الودجين يا حبيبي يا حسين نور عيني يا حسين
من ساحة كريم الآل هد شبل العزوبيه يگله ابشر يبوالسجاد الحومه بسيفي مگضيه ============≈============== طلع ومگابل الشجعان گابل بالوغه احسينه موش ابن الحسن لوما الماذيكم افص عينه آنه بسوح النزال ارتاح وينه الحاربك وينه امد وافضخ رعاع الگوم واسوم المايحبكم سوم خادم وابقه ليكم دوم يعمي وتعرف بهدات جسامك حسينيه ============≈=============== ماهاب الحرايب دوم واعشگ طاري الموازه شلون انضر وعوف حسين وعرف عازته عازه أليجابلني ياهالناس يجيب اوياه جنازه ما اترك نهج مولاي واظل اعله العهد والراي حرگة حيدره وياي طگة صارمه ايگولون طگه كربلائيه ============≈=============== طب واستقبل العدوان ورمله بخيمه تدعيله هذا البدر يارحمن ردت منك تشد حيله أبن المصطفى العدنان ناده الگرب ياويله لخلي النايحه بكل دار وعيدن صولة الكرار وعلگ باليجيني النار لمن شافه ابو الأكبر هد هده عراقيه ============≈=============== يبني الزامطت هالگوم عفيه ونِعم من روحك يبن المجتبى المقدام ارجع كثرن اجروحك نزلت دمعته وگله ما اعوفك وحگ نُوُحك مايهدالي بال اليوم أله اگضي الذي محتوم وعلن للملا العلوم قاسم والذي سواه وفه حگهه الوّصيّه ============≈=============== بسيفه المايحده احدود شنف سمع ابواليمه صال اعله العده ياناس والموت انحصر يمه انگطع شسع النعل وانصاب وروحه معلگه بعمه ياعمي الزمن خوّان شيّخ بيه ياهو الچان وگامت تامر النسوان اعذرني القصوري الچان يابو اسكينه وارقيه ============≈=============== ماقصرت لا والله يبن العزب بچبده جابه ومدده ويسمع صارت نايحه عنده رمله بدمعة العينين عالدنيا العفه بعده صاحت جيب الي ثاره الگلبي الما طفت ناره لبني الروح محتاره جابه امربع الهه الثار ابو الفزعه الفدائيه ============≈=============== 10/7/2022 الأحد الشاعر الميرزا محمد الساعدي
ـــــــــــــــــــــــــــــــــــــــــــــــــــــــ مؤسسة منبريون للالحان رقم 1 @ahmed_alziwar1 مؤسسة منبريون لنشر القصائد 2 @ahmed_alziwar2 مؤسسة منبريون للمقامات3 @ahmed_alziwar3 مؤسسة منبريون للنعي4 @ahmed_alziwar55 (كروب مؤسسة منبريون) الكروب الاول https://t.me/+tVfRCNCfpmJlMGRi الكروب الثاني https://t.me/+tVGiZHdfNq81ZGYy قناة اليوتيوب الرسمية رابط الاشتراك https://youtube.com/channel/UCz03jT4unuka51X7foOyXcg قناة الحان الرادود احمد الزوار على اليوتيوب https://youtube.com/channel/UCEa2AIfPlXlAHgT7b8hxpvA
