قالها الصادقُ أحيوا أمرُنا رفع اللهُ تعالىٰ قدرُنا ــــــــــــــــــــــــــــــــــــــــــــــــــــــــ عندما وجرت تلك النار في دار الامام الصادق. ع فكأني به يجمع بناته ويتذكر نار الباب ونار الخيمه
حرك الباب وذيج الخيمه...بهاي النار دمعي طايح..فكري رايح..بالنوايح...بهاي النار
****__
من وجت علينه الدار...واشوف بعيني لهبتها مر بالي حرك الدار...وامي وذيج حيرتها مكسوره ظلع وتنوح....يامكبر مصيبتها ما تكدر تطفي النار...الوادم لا مرحمتها
ماتكدر بيديها طفي ..من البسمار امي صاحت...ويلي ناحت...بلهفه طاحت...فوك النار
****__
ياخذني الفكر والبال... عله اليستاهل الحسره ما بين الزلم والخيل... الترب يلسع بقه بظهره صدر اللي يلم الخير... الشمر كاعد وسط صدره الذبح بارد وحار السيف ... وزينب تنظر النحره
تطشر جسمه بدوس الحافر.. والكفار من توذر...رد تطشر...ابو الاكبر ..بهاي النار
****__
ياخذني الفكر والبال ...لخيم عماتي التلهب وجوها الخيم بالنار...وبالهيمه اركضت زينب شافتها زلم والناس...وكلبها من الألم شيب شوك انتن ولا دستن...سكينه من الجمر تتعب
داست شوك وداست جمره...جفوف زغار سكنه طلعت...بلهفه ركظت...بجمره عثرت...بهاي النار
من عماتي طبن سوك...شلون اتخيل المنظر الناس تشتم بزينب ...وحيده بهمها تتحير مجتوفه وتطب ديوان...وجرحها من الألم يكبر وي دمعتها خل ندعي...المهدي بسيفه من يظهر
ياخذ ثار لزينب باجر...بالبتار من يجينه...المهدي وينه...شلونه حاله...بهاي النار
****__
منتظر صالح الكعبي
مؤسسة منبريون للالحان رقم 1 @ahmed_alziwar1 مؤسسة منبريون لنشر القصائد 2 @ahmed_alziwar2 مؤسسة منبريون للمقامات3 @ahmed_alziwar3 مؤسسة منبريون للنعي4 @ahmed_alziwar55 (كروب مؤسسة منبريون) الكروب الاول https://t.me/+tVfRCNCfpmJlMGRi الكروب الثاني https://t.me/+tVGiZHdfNq81ZGYy قناة اليوتيوب الرسمية رابط الاشتراك https://youtube.com/channel/UCz03jT4unuka51X7foOyXcg قناة الحان الرادود احمد الزوار على اليوتيوب https://youtube.com/channel/UCEa2AIfPlXlAHgT7b8hxpvA
