ناد ِ عَلياً مُظهرَ العجَائب تجِدهُ عَوناً لكَ في النوَائب ** قـُرآن ٱلله هاذه الناطِـق بإعجَـاز قِـدِّيس العِبـاده البالفَضل يمتـَاز المُوالي الّي نِخاه يوم الشِدايد فاز والحَبه ابسهوله اعلى الصِراط اجتاز وحَازَ فخراً أفضلَ المَراتب ناد ِ عَلياً مُظهرَ العجَائب ** علي الغُـوث الذي يحضَرنا بالدَارين علي سَاجي الضِمه وفَكَّاك عِسْر الدِين علي ايحِب اليتامه بگد حسن وحسين علي العِنده الصلاه والفُقره اعَز اثنين ونُصرةُ الملهُوفِ خيرُ واجب ناد ِ عَلياً مُظهرَ العجَائب ** علي الطلَّـگها دنيـانه ابسَـبيل الله وغـرِّي الغَيري گلها ودَوِّري الأشبَاه عاشِـگ ألله مامِـن بالگـلب إِلَّاه وشسِع نَعلي أعَز مِن المُلك والجَاه للدِينِ سَعيي لا إلى المناصِب ناد ِ عَلياً مُظهرَ العجَائب ** نادي الّي نِـقَـذ يُونِسها من الحوت ونبي ابراهيم يوم ابنَاره شاف الموت ومو لازِم إذا تحتـَاجه ترفَع صُوت ابسِرَّك إحچي لن يسمَع حچي البِسكوت مضمُونة ٌ ستصبحُ الرَغائب ناد ِ عَلياً مُظهرَ العجَائب ** علي التَخويل عِنده ابقُـدره من جبَّار ايحِـل كل المشاكل يدفَـع الأخطار ثِـق بي واعتقِد واطلُـب ولا تِحتار ولـو بالنـار صـدَّگ ماتِحـرگك نـَـار عَن كلِّ وجهٍ يدفعُ المصَائب ناد ِ عَلياً مُظهرَ العجَائب ============ لقمان البدران
مؤسسة منبريون للالحان رقم 1 @ahmed_alziwar1 مؤسسة منبريون لنشر القصائد 2 @ahmed_alziwar2 مؤسسة منبريون للمقامات3 @ahmed_alziwar3 مؤسسة منبريون للنعي4 @ahmed_alziwar55 (كروب مؤسسة منبريون) الكروب الاول https://t.me/+tVfRCNCfpmJlMGRi الكروب الثاني https://t.me/+tVGiZHdfNq81ZGYy قناة اليوتيوب الرسمية رابط الاشتراك https://youtube.com/channel/UCz03jT4unuka51X7foOyXcg قناة الحان الرادود احمد الزوار على اليوتيوب https://youtube.com/channel/UCEa2AIfPlXlAHgT7b8hxpvA
