2022-09-02 09:22:31
#قصائد_استشهاد_الامام_الحسن_المجتبى_ع_١٤٤٤_هـ
#مـۄسسـﮫ_مــﻥــبـريۄن_للالـﺢــان
#الناشر_احمد_الـــزوار_c
ويلي عالمات بسم جعده
مارحمته ومردت جبده
ـــــــــــــــــــــــــــــــــــــــــــــ
قصيده بحق الامام الحسن (ع)
٧ صفر شهادته
يالحسن يالمسمـوم هـاي المسيه
لجلك ابدمع العين يبن الزچيه
انصيح بالم عبره وبلوعـه وبحسره
يبن الزچيه
يمن حزنك عـزانه يالحسن وايدور
يظل بينه ويجدد كل حـزن عـاشور
انته اول شراره الخـطت النه النور
يل دمـك يسن قـانـون كل دسـتــور
بـالـدمـعـه والآهــــات نـذكـر اغـيـابـك
وننزف ادموم ادمــوم بـلـوعة مصابك
نار وتظل جمـره
وبلوعه وبحسره
يبن الزچيه
كبر حـزنك جرح ويمر علينه هموم
وانمطـر كل دمعـنـا ادموم يامسموم
نصيح وجرحك أيـفـززنه يامـظـلوم
هم مسموم انته وهـم گـبــر مهـدوم
شفنه المصاب اصواب والجرح يكبر
وصحـنه بعـظـم فرگاك الله واكـــــبـر
وفراگك اشكبره
وبلوعه وبحسره
يبن الزچيه
يظل حزنك يحـز ابـرواحـنا وننعـاك
وياريت احنه كلنا يالحـسـن ويـــاك
ما نگـدر نعـيـش ونصـبـر ابـلـيــاك
وسط الروح باقي وبالگلب ذكــراك
من چـبدك المسمــوم نـغـمة عــزانـه
يالحـسـن وبـكـل زود نـرفــع لـوانــه
بنغمة حزن نقره
وبلوعه وبحسره
يبن الزچيه
يـفـززنه الجـرح وانصـيـح ما نهــده
على الطاح واتــوذر وانـمـرد چـبده
ياناس الحـسـن كل ذنــب ما عــنــده
وتجرع غصص من شرب سم چعـده
نـار السرت بالــروح يسعــر لـظـاهـا
وابـلا رحـم هـالناس تحـقــد شجاهـا
ولدينك اتـنـصره
وبلوعه وبحسره
يبن الزچيه
تجـرعـنـا بمصابــك لـوعة الاحزان
يابو الجـود يـل كلك وفـه واحـسان
يل منهـج وجـودك نـفـحـة الـقـرآن
خسران اليـعـاديـكـم يـظـل خسـران
وبشهـگـة الاحـــــزان يـمـطـر دمعـنـا
عالجره صحنه بصوت محد سمـعــنــا
بالگلب واتنظـره
وبلوعه وبحسره
يبن الزچيه
على امصابك يظل كل الحزن يكـبـر
وتظل كل لحظه نارك بالگلب تسعر
نـريـد بجاهـك احنه بساحة المحشر
نحصلها الشفاعه امن الوصي حيدر
كلنا بعـلات الصوت يالحسن صحـنه
نبقه ونظــل للدوم نـخـدمـكـم احنـه
ياشمعة العـتـره
وبلوعه وبحسره
يبن الزچيه
لاتنسون والدي من الرحمه والغفران
خادمكم رياض الرسل الجابري
ـــــــــــــــــــــــــــــــــــــــــــــــــــــــ
مؤسسة منبريون للالحان رقم 1
@ahmed_alziwar1
مؤسسة منبريون لنشر القصائد 2
@ahmed_alziwar2
مؤسسة منبريون للمقامات3
@ahmed_alziwar3
مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول
https://t.me/+tVfRCNCfpmJlMGRi
الكروب الثاني
https://t.me/+tVGiZHdfNq81ZGYy
قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
398 views06:22