السلام عليكم طلبتي الاعزاء اول شي ان شاءالله باذن الله بكره | Dr.Ahmed Elzalitini

السلام عليكم طلبتي الاعزاء
اول شي ان شاءالله باذن الله بكره تحلو كويس بكل باذن الله توكل عالله وضروري ترقدو كم ساعه عالاقل ثلاث اربع ساعات ما تمشش عالق حال الغاية بش ما تخشش الدنيا في بعضها ، ثاني شي الحمدلله نحن قدرنا نكملو جزئية الديدان والحشرات كلها في خمس ايام وهذا يعتبر وقت ضيق بكل علي جزئية كبيرة زي هذي لكن حتى انتم ما شاءالله عليكم واستيعابكم سريع وبجد كنتو من احسن الدفعات الي قريتها ، الشي الي بنقوله انتم عارفين الظروف الي كنت فيها وسنه خامسه وكيف ان النتيجة نزلت ايام المكثف وكنت مضغوط بكل بكل في فترة البارا فهذا ليش والله ما قدرت ندير امسكيوات او كيسس بس باذن الله توا كملت وما عندي شي حنبدا في تجهيز امسكيوات وكيسس وتجميعات جدد للفاينال باذن الله وحناخذو المنهج مره اخرى بشكل راكح مش كيف الزر الي عشناه الايام الي فاتن يعني حتى منهج الديدان حنعاوده كله لان الفاينال والمعمل هنا المهمات فيهن 80 درجه فما تخافوش مش حنسيبكم وحنديرو شغل سمح ان شاءالله في المادة مش حتكون مادة مكثف حنبدو فيها قريب ان شاءالله
حالياً بالنسبة للجزئية الحشرات الي ناوي يفوتها الشيت هذا فيه تجميعات المنهج كله بارت ون وبارت تو نزلته زمان للدفعة 45 الشيت هذا في صفحات 17 - 18 - 19 فيهن النقاط المهمة في الحشرات فالي فيكم بيسيب الحشرات يقرا الصفحات هذينا وفي تسجيل سريع انا دايره من قبل حنحطه توا نشرح فيه في الشيت هذا تقدر تقدم التسجيل علي جزئية الحشرات طول وموفقين ان شاءالله وطمنونا عليكم بعد الامتحان