2022-04-13 01:14:03
السلام عليكم طلبتي الاعزاء طلبة سنة ثالثة بشري
نظراً لكثرة المراسلات الي جني ان في طلبة واجد مش قادرين يحضرو في شهر رمضان لذلك الأفضل ان كورس الباراسيتولوجي بالكامل البروتوزوا والديدان حينعطا باذن الله في شهر خمسة لأن بعد رمضان عندكم فترة نزيكه بكل حوالي شهر ونص قبل امتحانات المعامل يكمل فيهن منهج البارا مرتين او ثلاثه اخرى مش مرة وحده يعني الافضل ان نخلو البارا بعد رمضان لان في طلبة مايقدروش يطولو في المعاهد ..
يعني باذن الله محاضرتكم بكره حتكون المحاضرة الاولى في الباثولوجي من الساعة 9 للساعة 11 (بعد الفطور) في معهد التدارك شيت المحاضرة واتي وحتلقوه من العشيه نازل عند تصوير سليمان وتصوير التدارك بإذن الله تعالى .
ياريت حضوركم بكره لان بناءً على حضوركم بكره حنسقو في مواعيد الباثو الرمضانية لان اقل شي ضروري نكملو الرسباراتوري والفيميل والميل في شهر رمضان وبقية الكورسات في شهر خمسة حيكملن كلهن باذن الله ...
ياريت الحضور في الموعد الساعة 9 وتطلبوا من التصوير ان يدير الشيت صفحة طباعة وصفحه فاضيه لان حنكتبو عالسبورة وحنوضحو برسومات نفس طريقة البارا ...
وحنعطي باذن الله معمل البارا والباثولوجي في ايام المعامل باذن الله ..
ملاحظة : في مجموعة باثو جديده حتنفتح الاسبوع الجاي للي ما يناسبش الوقت الحالي متاع بعد الفطر ..
موفقين وموعدنا غداً باذن الله
(أرجو من الادمن تثبيت المسج ليصل لجميع الطلبة)
706 viewsAhmed El Zalitni, 22:14