Ҳурматли ота-оналар, Тошкент шаҳридаги Аджу университетида к | Ajou University in Tashkent

Ҳурматли ота-оналар,

Тошкент шаҳридаги Аджу университетида коронавирус инфекциясининг тарқалишини олдини олиш ва санитария-эпидемиологик осойишталикни таъминлаш мақсадида чора тадбирлар ўтказилмоқда.

Хусусан, бугунги кунгача 170 дан ортиқ талаба ва ходимлар университетда COVID-19 қарши эмланди, ўқув хоналари ва ётоқхона мутахассислар томонидан дезинфекциялаш тадбирлари амалга оширилди, антисептик ва бошқа санитария-гигиена воситалари билан таъминланди.

28-29 июль кунлари бирламчи эмланган талаба ва ходимлар вакцинанинг иккинчи дозасини университет биносида олиши режалаштирилган.

Таъкидлаб ўтиш лозимки, вакцина қабул қилган талабаларимиз асосан вилоятлардан келган. Фурсатдан фойдаланиб, ота-оналаримизга мурожаат қилмоқчимиз, вакцина олишга эътибор беришимиз керак, миллатнинг ўзини-ўзи даволаши бу вакцина қилиш, эмлаш.

Ҳурматли ота-оналар, короновирус эпидемиясидан ўзингиз ва фарзандларингизни асранг, пандемиядан ассоратсиз ўтиб олишга биргаликда ҳаракат қилайлик, фарзандларингизни ниқобда юришини назоратга олинг, уларни вакцина олишига давъат қиламиз.

Ўз навбатида, университет маъмурияти ўқув жараёнлари тўлиқ карантин қоидаларига мувофиқ равишда ташкил қилинишини таъкидлаймиз.

- Тошкент шаҳридаги Аджу Университети маъмурияти

@ajou_uz