بیستا برمه (گریه ی بی صدا) خواننده و نوازنده: اکبررستگار شاعر | گروه موسیقی وارش

بیستا برمه
(گریه ی بی صدا)

خواننده و نوازنده: اکبررستگار
شاعر: شعبان نادری رجه
گروه موسیقی وارش
آلبوم مهربونی

****
دل خروار به خروار غم هنیشته
اسری بمو مه چش دم هنیشته
مه تنگ دل کوتر پر بزوئه
بورده هلال ماه ر سر بزوئه

بخته چلچلا در برو بریم
خوامبه بوینم ته گل دیم
برو درد دارمبه درمون ندارمه
اتا دم بوینم ارمون ندارمه

چه بوردی جان دل
دری کمین منزل
مه دل بی ته گلی گلی بموندس
مه سر بی ته سر زندی بموندس

کمین سبزه ته گل رو ر دارنه
کمین ویشه ته بکِ بو ر دارنه
ته آسمون وارش یاد بدایی
لله وا ر نواجش یاد بدایی

بهار گل رنگ
رفق روز تنگ
کجه بوردی منه دل قد ندانه
مه دل ته دوری طاقت ندانه

ته غم خوامبه چش جا خون ببارم
کلو کلو دل ارمون ببارم
بوم او(آ) کلاک اسری بشندم
ته قد اسیر خاک اسری بشندم

غم غرصه تنه خشک چو کنده
غرصه غرصه غرصه تن او کنده
مرد بیستا بیستا برمه کشنه
مرد جون مرگ برمه کشنه

سفری چلچلا
لالالالالالا
هرچی بارم ته داغ توم نوونه
ته نوم دنیای دل جا گوم نونه

اسری: اشک
ارمون : آرزو
زندی : زانو(زانوی غم بغل کردن
قد: قدرت و توان
کلاک: موج


@akbarrastegarvaresh

http://www.instagram.com/akbar_rastegar_varesh