2022-08-20 19:55:50
احنه مو بس لازم منقارن حياتنا بحياة غيرنة
همين ملازم نقارن فترات حياتنا بفترات من حياة غيرنا .
ع سبيل المثال هواي ناس من يكونون بمود زين ميستوعبون حجم الالم الشخص المُكتئب او الحزين ف اذا شافوه بهل حال ممكن يحكمون عليه انه ديبالغ او ديكون ضعيف او ديدور اهتمام
بينما هم نفسهم من يصيرون بموقفه حيعرفون حجم الالم الي هو جان بيه .
لكن الانسان ينسى طعم الشعور من يغمره شعور ثاني.
ف لمن يكون سعيد حينسى شنو جان معنى انك تكون بهل حال، أو يتنسى يمكن لانه دماغه حيمنعه انه يرجع يعيش المشاعر.
البارحة قريت بالكتاب الي نزلتلكم منه اقتباسات عن امراة انصابت بالسرطان ، ف هي دتحجي عن تجربتها كالت ، اني جنت دائماً اتوقع الاسوء ف ما تفاجئت من توفى والدي لكن ما جنت اتوقع الاسوء ع نفسي ف تفاجئت من انصابيت بالسرطان.
وبعدين كالت ،لربما اني جنت ماخذة امراض الناس بنظرة دنيوية ، بعد ما انصابيت يلا ادركت حجم الموقف.
1.0K views16:55