#قصائد_محرم_١٤٤٣ #مـۄسسـﮫ_مــﻥــبـريۄن_للالـﺢــان الناشر.احمد.الـــزوار.cc اردود اجه عاشور الحزن والهم وعيني للمصيبه تجري الدمع وي دم ــــــــــــــــــــــــــــــــــــــــــــــــــــــــ #محرم_١٤٤٣ #قصائد_منبريه #ليلة_مسلم_بن_عقيل_ع على الابواب الهوه عنده اختلف بالخيانه الريح يم صدره اعترف من وصل للكوفه والطيور اطوفه بالخيانه الريح يم صدره اعترف .............................................. ماتمر نسمه غريبه ولا يشمهه اشما تكون اتنفس حسين ابرحيله وعاشكَه باكثر جنون من مهبه الريح يعرف رغم متشوفه العيون وعرف ريح الكوفه جايب ناس معظمهه تخون ريح صَرصَر حس فلا ريح الرحيم واستعاذ ابربنه من شر الرجيم جن بحر بجروفه والطيور اطوفه بالخيانه الريح يم صدره اعترف .............................................. وكَف باعتاب المدينه يدعي ويجر حسرته بيهه حيدر جان قائد ذكر واسجب دمعته ياحسافه راح بيهه ايشوف مسلم غربته وتنطفي ابظلمت ليالي ابعز شبابه شمعته استقبلوو اصحابه بالسِر مو عَلن اتأكد من اعيونهم كثرة مِحَن وعانقوهه احروفه والطيور اطوفه بالخيانه الريح يم صدره اعترف .............................................. خطب والناس ابعيونه خوفهم أكثر صفه عالم ابمعنه الرجوله ومن ابوه هالمعرفه جان نساب القبائل يعرف بأهل الوفه ومسلم ابذيج المواقف عرف كلمن موقفه ابنظره اولى انطه نتائج تجربه ال لا هله معروفه من المرحبه الوانهم مخطوفه والطيور اطوفه بالخيانه الريح يم صدره اعترف .............................................. ظل وحيد ابليله ضلمه ابدون اصحاب وأهل اتمنه من شدة غربته كون يوفيهِ الاجل اباب طوعه جان يشعر للأبن موقف جهل من شرب ماي وتروه البيتهه الحره نزل ليله اخيره ايعيش راد اويه السجود هاي ناس اتضيع وياهه الجهود دمعته مذروفه والطيور اطوفه بالخيانه الريح يم صدره اعترف .............................................. صَّبح ابوجه المعارك حيدره وعم النبي وصلت اخباره العظيمه ال يوم تل الزينبي من وكَع بالحفره مسلم صاح فدوه المذهبي طيحته انطت رساله حسين زينب تنسبي كَالهه ولحسين وصلت من بعيد ذوله مو للّه للدرهم عبيد أَي وفه ماشوفه والطيور اطوفه بالخيانه الريح يم صدره اعترف الشاعر ياسر العارضي قناة اليوتيوب الرسمية رابط الاشتراك بالقناة https://www.youtube.com/channel/UChi9JQ-VKyzhEWL4E0144JQ قناة اليوتيوب للرادود احمد الزوار https://www.youtube.com/channel/UC5lXqSGtfVucDzp7yDU2Pgg كروب الالحان رقم 1 https://t.me/joinchat/Dw92Dj9pmspR5uHfACGjlA كروب الالحان رقم 2 https://t.me/joinchat/Dw92DkJZ4tvb4YIzJWBWrg 209 views18:40
