عٌلَى أّلَدِنِيِّأّ أّلَعٌفِّهِ مَنِ بِعٌدِ آلآمـآمـين مَنِ بِعٌدِ عٌبِأَّّس خَوِيِّ وِأّبِنِ أّمَيِّ أّلَحٌَّسيِّنِ ـــــــــــــــــــــــــــــــــــــــــــــ برز بالميدان فارس حيّر الناس .. ترتجف منه العساكر أسمه عباس .. ........................ شمرت السيف بيمينه مثل حيدر من يكر .. ترتعب منه العساكر تشرد يردهه الشمر .. بسيفه طشرهه ويلمهه خله كل عشره بكتر .. ساعه يمنه وساعه يسره بروسهم طايح بتر .. واليصير أكبال عينه برجله ينداس .. ............................ مثله أرض الغاضريه أبد ماشافت أبد .. هذا شبلك يالصميده بالحرب مثل الأسد .. سيفه بركاب الأعادي مثل منجل لو حصد .. من يشن غاراته يقره القل هوه الله أحد .. بجّه كل فرسان أميه وكل الأرجاس .. .......................... هذا شبل أم البنين السوّه بالطف معجزه .. أبد ماواحد وصلهه بجاله أخته معززه .. اليكرّب صوب زينب ينصب الروحه عزه .. حلم كابوس السبايه أبو فاضل فززه .. الحره بوجود الكفلهه شلون تنجاس .. ........................... هناك ملك الموت حاضر بيده لزمهم سره .. صار أشجعهم جبان يكله خليني وره .. زلزله ونزلت عليهم سيف سبع الكنطره .. انسدت عليهه المعابر كل كتر بيه سيطره .. هذا ضرغام الطفوف اليرفع الراس .. ............................ هذا صكار الأعادي الكمر شيال اللوه .. كافل الحره الأبيه عنده أغله من الهوه .. حتى أنفاسه ويَ أخيته الكمر يقسمهه سوه .. ولوعطش نهر الفرات بأيد عباس أرتوه .. يانهر يروي العطاشه بجوده ينقاس .. ............................. عاشت أيدك يبو فاضل أرض صاحت والسمه .. بطل والجايبته حره والنعم من فاطمه .. من برز بالغاضريه شبل حماي الحمه .. يكطر السيف بيمينه من مناحرهم دمه .. صار أحمر لون جوده وسيفه والطاس .. .............................. حظر للتجوال بالطف سوّه شيال العلم .. رسم لوحات البطوله وسيفه صارلهه قلم .. والنعم عباس حارس تشهد عليه الخيم .. حتى لو جفه كطيعه ونابت بعينه سهم .. أبد ماتمشي العقيله بلايه حراس .. ................................ حيدر مطر العبادي
ـــــــــــــــــــــــــــــــــــــــــــــــــــــــ مؤسسة منبريون للالحان رقم 1 @ahmed_alziwar1 مؤسسة منبريون لنشر القصائد 2 @ahmed_alziwar2 مؤسسة منبريون للمقامات3 @ahmed_alziwar3 مؤسسة منبريون للنعي4 @ahmed_alziwar55 (كروب مؤسسة منبريون) الكروب الآۆلْ للالحان https://t.me/+P2maygDpRadCnkwq الكروب الثاني للالحان https://t.me/+eAjWA-W1XTk5MmYy قناة اليوتيوب الرسمية رابط الاشتراك https://youtube.com/channel/UCz03jT4unuka51X7foOyXcg قناة الحان الرادود احمد الزوار على اليوتيوب https://youtube.com/channel/UCEa2AIfPlXlAHgT7b8hxpvA
1. قناة اليوتيوب الرسمية رابط👇للاشتراك. https://youtube.com/channel/UCz03jT4unuka51X7foOyXcg. 2.كروب الالحان(1) . https://t.me/joinchat/Dw92Dj9pmspR5uHfACG...
