2022-05-27 16:53:49
[WDE Insight]
គន្លឹះក្នុងការធ្វើឲ្យបុគ្គលិកមានឥរិយាបថវិជ្ជមាន
អាកប្បកិរិយារបស់បុគ្គលិកមានឥទ្ធិពលទៅលើផលិតភាពនៃអាជីវកម្ម។ ដូច្នេះ វាមានសារៈសំខាន់ណាស់ ក្នុងការយល់ដឹងពីរបៀបជួយឲ្យបុគ្គលិកបង្កើតអាកប្បកិរិយាវិជ្ជមាន។ ទាំងនេះគឺជាគន្លឹះចំនួនបួន ដែលអាចជួយបង្កើតអាកប្បកិរិយាកាន់តែប្រសើរឡើង ក្នុងចំណោមបុគ្គលិក។
១. បង្ហាញការកោតសរសើរ
ក្នុងនាមជាអ្នកដឹកនាំក្រុម ឬអ្នកគ្រប់គ្រង អ្នកគួរតែមានការដឹងគុណ កោតសសើរបុគ្គលិក ចំពោះការខិតខំប្រឹងប្រែង និងការរួមចំណែករបស់ពួកគេ ក្នុងការធ្វើឲ្យក្រុមហ៊ុនកាន់តែប្រសើរឡើង។
២. ផ្តោតលើដំណោះស្រាយជាជាងបញ្ហា
នៅពេលប្រឈមមុខនឹងបញ្ហា អ្នកគួរតែបណ្តុះបណ្តាលបុគ្គលិករបស់អ្នក ឱ្យគិតអំពីដំណោះស្រាយ ជាជាងមានអារម្មណ៍ព្រួយបារម្ភ។
៣. ព្យាយាមយល់ពីបញ្ហារបស់បុគ្គលិក
អាកប្បកិរិយាអវិជ្ជមានរបស់បុគ្គលិក មិនលេចឡើងដោយគ្មានមូលហេតុណាមួយឡើយ។ ដូច្នេះ អ្នកគួរតែចំណាយពេលស្វែងយល់ ពីបញ្ហានៅពីក្រោយទង្វើរបស់ពួកគេ។ ការធ្វើបែបនេះ នឹងជួយក្រុមហ៊ុនរបស់អ្នកដោះស្រាយបញ្ហាមួយចំនួន ដូចជាផលិតភាពទាបជាដើម។
៤. បង្កើតសកម្មភាពសប្បាយៗ នៅកន្លែងធ្វើការសម្រាប់ឱ្យបុគ្គលិកចូលរួម
អ្នកគួរតែរៀបចំសកម្មភាព ឬព្រឹត្តិការណ៍សប្បាយៗនៅកន្លែងធ្វើការ ព្រោះវាអាចបង្កើនការចូលរួមរបស់បុគ្គលិក ដែលនឹងអាចជួយកាត់បន្ថយអាកប្បកិរិយាអវិជ្ជមានរវាងបុគ្គលិក និងបុគ្គលិក៕
តំណភ្ជាប់៖ https://wdigitalentrepreneurs.org/archives/6534
----------
For more information, please follow us via the link below:
https://linktr.ee/wdesocialmedia
204 views13:53
A
