هواية سمعنا عن مجالات حديثة دتطلع وتسبب رواج عالمي بسوق العمل، | Technoland

هواية سمعنا عن مجالات حديثة دتطلع وتسبب رواج عالمي بسوق العمل، ووحدة من هاي المجالات هي الموشن جرافيك (Motion Graphic). زين شنو نقصد بالموشن جرافيك؟ هي رسوم متحركة "توضيحية"، وعبارة عن عرض متحرك للرسوم هدفها التوضيح والتبسيط. يتكون الموشن جرافيك من أكثر من إطار للعرض، على عكس الGraphic Design والي يتكون على إطار واحد وذات بعدين. نستخدم الموشن جرافيك من تريد تعبر عن منتج أو خدمة بطريقة جذابة وملفتة للنظر وبدون ملل وتبقى بذهن المتلقي، وتكدر تعبر بيها عن افكارك اللي صعب عليك توصلها للجمهور بشكل مباشر. عن طريق المؤثرات الصوتية او المحتويات التفاعلية الي ممكن تضيفها الى الديزاين مالتك. اذن بأختصار الMotion Graphic هو ناخذ الGraphic Desin اللي تكون ثابتة بدون مؤثرات، ونضيف الها عناصر الحركة والمؤثرات الصوتية، مثلاً اذا تريد تخلي logo الخاص بموقعك يدور بشكل جذاب وتضيف اله تأثير صوتي. وهذا هو السبب من استخدام الMotion Graphic بكثرة بمجال التسويق، وعليه طلب بشكل جبير، لان المحتوى المرئي يتم استيعابه بسهولة وأسرع من المحتوى المكتوب أو المسموع فقط. وحتى تتعلم شلون تصمم موشن جرافيك لازم تمر بهاي المراحل:

-مرحلة تعلم ادوات الموشن جرافيك، وتحتاج وقت وأساس تعلم الموشن جرافيك هو انو تتعود ع أدواته، و أدواته هي بمجال التحريك After Effects و Cinema 4D و بمجال التصميم Adobe illustrator.

-بعدها مرحلة التعلم والتعمق بالمجال، هنا اكو شروحات ع اليوتيوب حتساعدك و هنا كورسات من منصات عالمية للتعمق بالمجال اكثر، ومثل ما كلنا سابقا فالمجال حديث وبتطور مستمر، لذلك يحتاج المتابعة بالمرتبة الاولى.

-وبالاخير مرحلة الإبداع، بهاي المرحلة تصير تصمم من وحي خيالك، وكل تصميم تسوي تخلي يوصل معلومة مفيدة أو فكرة هادفة. ويتطلب بهاي المرحلة وبشكل اساسي ان تغذي بصرك بتصاميم ثانية ممكن تلهمك وتضيفلك افكار جديدة. وحتى تحقق هالشي تكدر تستخدم تطبيق pinterest، وشوف لقاءات مخرجين وفنانين ومصممين بهذا المجال ببثوث مباشرة على موقع Adobe Creative Cloud وبصفحاتهم على اليوتيوب، واشترك بمجموعات مهتمة بنفس بمجالك ع السوشيال مثل الفيس بوك.