كُلنا نعرف انو البحث مهم ومهارة مطلوبة، والحصول ع معلومه بشكل | Technoland

كُلنا نعرف انو البحث مهم ومهارة مطلوبة، والحصول ع معلومه بشكل دقيق يحتاج وقت.
هواي اكو مزايا داخل محرك البحث google اكثر مما تتخيل، والأمر مو مختصر تكتب كلمة او جملة وتضغط search وتنتظر النتيجة.
حتى تختصر عليك الوقت وتأخذ المعلومة بشكل ادق اتبع هذي الtips :

• أستخدم الtabs، إذا ملاحظين بكل عملية بحث تطلع مجموعة من الtaps منها Images, Videos, Books, Maps, News وغيرها تكدر من خلالها تحدد نوع البحث اللي تريدة، إذا كنت تبحث عن صورة استخدم Images او إذا عن اخبار استخدم News بهاي الحالة تكدر تقلل اوقات البحث إذا استخدمتها بشكل صحيح!

• استخدم quotes (" ") يمتى استخدمها؟ من تريد تبحث عن شيء محدد استخدمها، حتى تقلل التخمين لبحث google، مثلاً إذا تبحث عن puppy dog sweaters فمحرك البحث يجيب المحتوى اللي بي هاي الكلمات ال3 بأي ترتيب، وإذا خليتها بهذا الشكل:
"puppy dog sweaters"
حيبحث عن هذي العبارة تماماً، ويمكن يساعدك بتحديد موقع معلومات مدفونة ضمن محتوى اخر.

• استخدم hyphen (-)، مرات تلكي نفسك تبحث عن كلمات معناها غامض، مثلاً mustang من تبحث عنها بgoogle حتحصل ع كُل السيارات اللي صنعتها او الحصان، وانت تريد متعرض واحد منها بالنتائج البحث اقطعها بالhyphen مثلا:
mustang -cars
هنا تخلي محرك البحث يستبعد الcars، بهذي الطريقة تحصل عن شيء دون شيء اخر.

• استخدم colon (:)، إذا تريد تبحث عن محتوى او مقالات على موقع ويب معين ب google، مثلاً:
sidney crosby site:nhl.com
بهذي الطريقة حيبحث شكو معلومة تخص لاعب الهوكي الشهير سيدني كروسي بموقع nhl.com و يسوي إزالة لجميع نتائج البحث الاخرى.

• خدعة use the asterisk wildcard تعتبر هذي الخدعة اكثر فائده خاصه من من تبحث على اغنيه ناسي بعض كلماتها ولمن نستخدم هذي الطريقة بالبحث ستترك عنصراً نائباً ممكن ملؤة ببحث google، مثلا:
"come*right now*me"

• لبحث عن موقع مشابهة لمواقع ثانية، لنفترض عندك موقع ويب وبمرور الوقت صار ممل وتريد موقع ويب يشبهة، استخدم هذي الخدعة:
related:amazon.com
إذا بحثت مراح تلكي رابط أمازون، حتلكي روابط لمتاجر ثانية.

• use google search to do math.
يمكن لgoogle يسوي بعض العمليات الرياضية، هذا مو معناتها سيء لكن حيحل عدد كبير منها مثلا :
8*5+5
وإذا بحثت عنها ينطيك الناتج 45 ويطلع الك آلة حاسبة تكدر تستخدمها إذا حاب تسوي عملية رياضية ثانية.

• استخدم search for multiple words at once، مرات من تبحث عن كلمة او عبارة واحدة متلكي اللي تريدة، لكن لكيت حل بهذي الحيلة تكدر تبحث عن كلمة او عبارة ويا كلمة او عبارة ثانية، دختوا صح، خلنطيكم مثال:
"best ways to prepare for a job interview" OR "how to prepare for a job interview"
وتكدر تخليها بدون quotes :
chocolate OR white chocolate
بهذي الطريقة تضيق نطاق البحث وتحصل اللي تريدة.

• خدعة search arange of numbers البحث عن مجموعة من الارقام ما اتوقع الكل يستخدمها، لكن هذي الخدعة تفيد المهتمين بالمال والإحصائيات، زين شون استخدمها؟ سهلة تخلي نقطتين ورقم، شوف المثال حتوضح اكثر:
what teams have won the stanley cup..2004
بهذي الطريقة داكولة رجعلي الفرق اللي فازت بكأس ستانلي بعام 2004، النقطتين وراها رقم معناها ما اريد اي فريق قبل وبعد 2004.

• هسة نصيحة بسيطة keep it simple، مثلا إذا تريد مطعم بيتزا قريب، استخدم هذا للبحث :
pizza places nearby
يطلع مواقع البيتزا القريبة منك.

• استخدم important words only، يعني استخدم الكلمات المهمة وخليك بسيط حتى متصير فوضى، مثلا:
Don't Use: where can i find a chinese restaurant that delivers.
Instead Try: chinese restaurants nearby.
Or: chinese restaurants near me.

• استخدم كلمات تستخدمها المواقع، مرات احنا نبحث بنفس اللهجة اللي نحجي بيها، شون هاي هاك مثال:
استبدل عبارة "عندي تاير مزروف"
بعبارة "إصلاح إطار مثقوب"
استبدل عبارة "رأسي تؤلمني "
بعبارة "تخفيف الصداع"

• إذا تريد تعرف الطقس بمدينة بالتحديد اكتب الرمز البريدي الها"zip code" مثلا:
weather*zip code*
وتكدر تعرف طقس المدينة بكتابة اسمها لكن مراح يكون دقيق.

• هذي هم طريقة تفيدكم هنا و هنا هم.