2022-04-02 16:57:58
المهارات الشخصية بمكان العمل او (Soft Skills) هي مجموعة من المهارات المهمة اللي لازم يتعلمها كل شخص رايد يدخل بمجال البزنس اليوم. وانتشر بالفترة الأخيرة، حتى نفهم شنو هي Soft Skills لازم نعرف Hard Skills او المهارات الصعبة، شنو هاي؟ هي تعتبر المهارات الفنية الخاصة بالوظيفة مثلاً إذا انت مطور برامج فمهارتك الصعبة تعتبر قدرتك على البرمجة، خلصنا من الHard Skills اللي تخليك تحصل ع مقابلة عمل، وحتى تحافظ ع عملك لازم عندك Soft Skills، زين هاي شنو؟ مصطلح شامل يشمل السلوكيات المختلفة اللي تساعد الناس على العمل والتواصل الاجتماعي بشكل جيد مع الأخرين، بأختصار تمثل الأخلاق الحميدة والسمات الشخصية اللازمة للتوافق مع بعض وبناء علاقات إيجابية، مثلاً الطبيب من يأخذ وقت للتواصل ويا الأطباء الأخرين بموقف مهني، ويسولف ويا الممرضات بطريقة داعمة، ويستمع الى المرضى، فإن هذا الطبيب يبني علاقات من خلال Soft Skills.
شنو أهم 3 مهارات من هاي المهارات الضروري تنطيلها شوية من وقتك؟
1- القيادة Leadership:
هي مهارة ممكن يتعلمها أي شخص مو شرط إلا مدير شغل أو قائد الفريق، والمهارات اللي لازم يتمتع بيها:
1- تحفيز الفريق وإلهامه بشكل مستمر.
2- اتخاذ القرارات السريعة و بنفس الوقت فعّالة.
3-حل المشاكل، و أي خلاف ممكن يصير.
4- تقبل أي نقد.
تكدر تطور هاي المهارة بكل سهولة، وعدنا الك شوية كورسات همين من جامعة هارفرد و هذا من إدراك.
2- مهارة التواصل Communication skill:
تعتبر المفتاح اللي يخليك تضمن باقي المهارات لأنه راح تخليك متمكن من إرسال واستقبال الأفكار والمعلومات والمشاعر بشكل أكثر فعالية، وبالتالي تكون فاهم الناس وهذا يخلق عندك صفات إيجابية مثل: تقبل النقد، الثقة بالنفس، التعاطف، التفاوض، وغيرها. وهاي شوية نصايح راح تفيدك حتى تتعلم:
1- اتحكم بنبرة صوتك و تكون واضحة.
2- اتعلم تسمع للمقابل وبتركيز، حسس اللي ديحجي أنك مركز واهتمامك وانتباهك موجه اله.
3- اتعلم لغة الجسد لأنه تخلي انطباع مختلف عند المستمع أو المتحدث.
4- تقبل النقد دائما، وحاول تختار منه النقد البناء وتطبقه.
واكيد، شوية كورسات مراح تضرك. هاك كورس Communiation Skills من كورسيرا، وهذا من إدراك.
3. التحفيز الذاتي Self motivation:
وهي أنو تخلق لنفسك دافع حتى تكمل شغلك أو دراستك، تشجع نفسك على القيام بمهمة معينة، و تعرف تقوم بعد التعثر من غير ما تحتاج إلى أي شخص أو أي مؤثر خارجي عمومًا. لازم:
1- تتعلم تتأقلم مع أي ظرف وأي بيئة من غير ما تأثر على كفاءة أدائك.
2- فكر دائما بإيجابية، اقترح حلول للمشاكل، شوف الجانب الإيجابي من التجربة واستفاد منه.
3- فكر بإبداع (Be creative)، لا تسوي نفس الشغلة مرتين وتنتظر نفس النتيجة.
4- خليك دائما طموح، راح حلم يجي أفضل منه.
5- اتعلم الالتزام بالهدف، واشتغل علي لا تنتظر اللحظة المناسبة.
6- احجي ويا نفسك دائما بإيجابية.
وهاك كورس Self Motivation من أليسون، وهذا من لينكد إن.
وهاي ال3 مهارات كلش كافية حتى تملي بيها الCV مالتك، وتعبرك مقابلات العمل. وهاي أحسن المنصات اللي بيها كورسات تخص Soft Skills إذا حاب تتعمق أكثر:
• Soft Skills Courses in coursera
• Soft Skills Courses in edx
• Improve your soft skills in google digital garage
حاير منين تبدي بالمجال اللي تريده او تريد تطور مهاراتك؟ ميفرق. تعال انضم للبوست والباقي علينا!
الرابط: https://t.me/thepostproject
458 viewsZa;nab in the multiverse of madness, 13:57
Π
