#TeshadiganGaplar Aфсоналарга кўра, бир куни Уинстон Черчилл | DANIEL'S ACADEMY| LEADERS FOR TOMORROW|

#TeshadiganGaplar

Aфсоналарга кўра, бир куни Уинстон Черчилл халқ билан мулоқот қилиш учун радио станциясига бораётган бўлган. У такси чақиртирибди ва радио биносининг олдига келганида, таксичидан уни ярим соат кутиб туришини, кейин яна уни ортга элтиб қўйишини илтимос қилибди.

Такси ҳайдовчиси Черчиллни танимабди. Ҳайдовчи бугун радиода Черчиллнинг нутқини эшитишга уйга жуда шошилаётганини, ярим соат кутиб тура олмаслигини айтибди.

Черчилл таксичининг бу гапини эшитиб, хурсанд бўлиб кетибди ва келишилганидан кўра анча кўпроқ пул узатибди. Такси ҳайдовчиси бир қўлидаги пулга, бир Черчиллга қараб: "Йўқолсин ўша Черчилл нутқи билан бирга! Ундан кўра, шу ерда сизни кутиб тура қоламан!" дебди.