أهلا و سهلا أنا يوسف فضل الله عثمان (بلية) خريج جامعى أم درما | Daoud Research Group
أهلا و سهلا أنا يوسف فضل الله عثمان (بلية) خريج جامعى أم درمان الإسلامية – كلية الطب و العلوم الصحية (24) . القصة بدت قبل 4 سنوات تقريبا , كنت قاعد في الداخلية بتونس مع صحبي هجو و سينيري العزيز جدا يونس صديق , كنا بنحكي عن صعوبة الباطنية و أنو ما لاقين زول يشرح لينا و نستفيد منو كويس , قال لينا : أمش لي بروف أبشر حسين في بانت أحضروا معاهو من المغرب لحدي 2 صباحا و بعدها أضربوا معاهو الفتة و تجوا راجعين الصبح . قلنا نمشي نجرب و حدس ما حدس . نصحيتي للطلاب القراءة ثم القراءة ثم القراءة , لأي طالب في المرحلة السريرية خصوصا ما تخلي فرصة أنك تحضر عيان و تقدموا لي البوص أو حتى لي سينيريك . كلنا في يوم ما كنا بنخاف و بنتلعثم و لي للأن لكن مع الزمن بتقل تدريجيا .
فيما يخص البحوث ربنا أكرمني بحضور أكثر من 10 ورشات مقترحات بحوث و شاركت في 3 بحوث أهمها بحث ( التغيرات في شبكية العين عند مرضى الملاريا الوخيمة ) بصحبة البروف و أنصح أي شخص عندو اهتمام بالبحوث أنو يشارك في أي فرصة بحث بيقدر عليها لأنو نفعها متعدي و لي صاحبها النصيب الأكبر من تعلم طريقة كتابة مقترح البحث بصورة سلمية الى تحليل البينات مرورا بكتابة المقترح ثم النشر و تعلم العمل الجماعية. و من أجمل نشاطات المجموعة بالتأكيد هي نشاط العيادات المتحركة و الثابتة و اللي ما في مثيل ليها في السودان كلو , كلامي ما بيوصف روعة و جمال العيادة، و اختم بكلام البروف : (( يا يوسف ، كان داير الدنيا تعال العيادة ، و كان داير الأخرة تعال العيادة ))
DRG was founded in 1995 for the betterment of neurological research and standards of patient care in Sudan. It is also intended to give more chances for health care professionals especially the junior...