2021-10-14 17:45:12
32-dars. Go
Ingliz tilidagi eng mashhur so'zlardan biri "go" hisoblanadi.
Go - "ketmoq" degani. Past simple'da "went", present perfect'da "gone".
Go - to/on/for lar bilan birga kelishi mumkin. Agar ketilayotgan joy mamlakat, shahar, qishloq, teatr kabi ma'lum nomga ega manzil bo'lsa, "go to" ishlatiladi:
I'm going to France next week - Men keyingi hafta Fransiyaga ketyapman.
Faqat "home" (uy)da to qo'shilmaydi: I'm going home now - Men hozir uyga ketyapman.
Agar manzil sayohat, dam olish, tadqiqot kabi narsalar bo'lsa, "go on" ishlatiladi.
We go on holiday every year - Biz har yili dam olishga boramiz.
Agar yurish, ovqatlanish, uchrashish kabi ma'lum bir harakatni bajarish uchun ketayotgan bo'lsa, "go for" qo'yiladi:
She has gone for a walk in the park - U istirohat bog'ida aylangani ketdi.
"Holiday" so'zida "go on holiday" yoki "go for a holiday" desa ham bo'ladi. "For" bilan ishlatilganda "a" qo'yish kerak ekan.
Swimming, shopping, fishing kabi "ing" qo'shimchasi bilan kelgan so'zlardan oldin yolg'iz "go" qo'yiladi, xolos:
We went fishing - Biz baliq tutgani ketgan edik.
"Let's go swimming" yoki "Let's go for a swim" desa ham bo'ladi. Ma'nosi: Ketdik, cho'milgani boramiz.
Share and join us
@Davlatjon_Uz
80 views14:45