Dr Iman Nabil Histology

2024-06-07 18:04:13 السلام عليكم يا شباب
اولا بعتذر عن تاخير الرد على الرسايل لكن بحاول اقسمهم و ارد على الجميع باذن الله فأرجو التماس المعذره .
ثانيا بخصوص الاستبيانات فأنا بيتبعت لى كتير جدا و بحاول ادى لكل استبيان فرصته على القناه بدلا من نزول استبيان يوميا حيفقد قيمته . فبحاول انزل على فترات. و بشكركم لتعاونكم مع زملائكم و بحييكم لاشتراكم فى ابحاث تخدم الcv.
زمايلكم فى طب كفر الشيخ مشتركين فى بحث عن التعليم الالكترونى و اكتر التطبيقات الطبيه استخداما وسط الطلاب و مدى تأثيرها. فأرجو مساعدتهم فى استكماله.
و اخيرا و ليس آخرا دعواتنا فى هذه الايام المفترجه لأهالينا فى غزه بأن ينصرهم الله و يفرج همهم و يجمع شملهم على خير
https://forms.gle/DGkeMmyrxVTdt8XS8 Open / Comment

2024-06-01 17:22:49 السلام عليكم يا شباب زملاؤكم فى كليه طب كفر الشيخ مشاركين فى بحث عن تأثير الضغط النفسى على العادات اليوميه ، ارجو مساعدتهم فى ملىء هذا الاستبيان و بالتوفيق للجميع

https://docs.google.com/forms/d/e/1FAIpQLScTHx0ByjeJKf-zoJm3lYVnm0dg38mKcKA0PMaWRm6mT8oxsg/viewform Open / Comment

2024-05-31 22:06:14 السلام عليكم يا شباب من الحاجات اللى بحب اشجعها جدا اجتهاد الطالب خارج الدراسه و محاولته اعتماده على نفسه و عمل شىء يفيد زملائه، فكنت برحب بنشر قنوات مفيده ليهم على اليوتيوب او مشروع صغير بيعمله و لكن خفت ان ممكن حد يقول انى بتقاضى اى مبلغ مالى مقابل الاعلان فقررت من مبدأ اتقوا الشبهات انى اعتذر لزمايلكم و هما تفهموا جدا الوضع و الحمد لله ما حدش فيهم زعل، و لكن المره دى الوضع مختلف و ذلك لان المشروع ده مشارك فيه احد اطباء غزه و اللى تشرفت بالتدريس له حينما كان طالب فى جامعه الاسكندريه ، و قد قدم من مصر منذ شهرين ، المشروع عباره عن scrubs و lab coats ، و انا تطوعت من نفسى لنشره دون ان يطلب منى، فأرجو منكم دعم هذا المشروع حتى و لو بنشر الصفحه لزمايلكم على الانستجرام ، و بأكد مره اخرى ان المشروع مشارك فيه طبيبنا من غزه مع احد زملائه من جنسيه اخرى. و تذكروا دائما ان الله فى عون العبد ما دام العبد فى عون اخيه . اللهم انصر اهل غزه و احفظهم و انتقم من اليهود اشد انتقام

https://www.instagram.com/perfect_outfit_24?igsh=MXBkNWVxbmtmbnRpMg%3D%3D&utm_source=qr Open / Comment

2024-05-22 22:18:24 السلام عليكم يا شباب زمايلكم من جامعه MTI مشاركين فى استبيان يتبع جامعه الشارقه عن انتشار اعراض الاكتئاب و القلق و اساليب التأقلم و صعوبه تلقى الرعايه النفسيه لدى الطلاب العرب ، ارجو مساعدتهم فى ملئه و بالتوفيق للجميع
https://forms.gle/eskeBFTtTyebMekR8 Open / Comment

2024-05-08 19:27:25 السلام عليكم يا شباب فيه استبيان مشارك فيه زملاؤكم فى كليه الطب بجامعه مصر للعلوم و التكنولوجيا عن انتشار مرض السكرى بين طلبه الطب ، و ده مشروع تخرجهم فأرجو مساعده زملائكم فى ملئه. و بالتوفيق للجميع

https://docs.google.com/forms/d/e/1FAIpQLSdbwvSXFr347hynyZCVSd_ai-HOKjDjYiB0AE5hZVQ5AcMKXw/viewform?usp=sf_link Open / Comment

2024-04-08 23:50:25 السلام عليكم يا شباب فيه استبيان مشارك فيه زمايلكم عن علاقه إدمان جميع السلوكيات بأنواعها و القلق و التوتر بين طلاب الجامعات و مشرف عليها senior author من جامعه كامبريدج. ارجو مساعده زمايلكم فى ملىء هذا الاستبيان و بالتوفيق للجميع

https://docs.google.com/forms/d/e/1FAIpQLSdRvj8zKwLFvubuXbmemsB_yfDSP1wUljwE1Nd88uZTr75ZjA/viewform?usp=pp_url&entry.2140814153=22 Open / Comment

2024-04-01 23:03:48 السلام عليكم يا شباب
هذا البوست خاص بطلابنا فى كليات الطب فى غزه، فأرجو ان اى حد يعرف طالب طب موجود فى غزه حاليا او راح على اى بلد اخر بسبب ظروف الحرب ، يرسله له.
فيه رابطه للأطباء الفلسطينيين فى اوروبا نظمت حاليا فريق مكون من اطباء فى تخصصات مختلفه لاستكمال تعليم طلاب الطب فى غزه كلا عَلى حسب فرقته الدراسيه ، سيكون التعليم عن بعد، وما فهتمه انه سوف يكون هناك شهادات بذلك بالتنسيق مع عمداء جامعه الازهر و الجامعه الاسلاميه .
اتفهم تماما ان هناك مشكله فى الانترنت تجعل الموضوع صعب تحقيقه حاليا على ارض الواقع فى غزه و لكنى انظر له من نقطتين:
اولهما ان هذا الموضوع يمكن تحقيقه فعليا بعد انتهاء الحرب باذن الله ، و هو ما يعنى ان الطالب لن تضيع عليه كل سنواته الدراسيه فى الطب. ثانيا ارى انه فرصه لطلاب غزه للتواصل مع هؤلاء الاطباء خاصه فى انجلترا لانها من اكثر البلاد الغربية التى بها تعاطف على المستوى الشعبى مع الوضع فى غزه، و لربما لو اقترحتوا عليهم تقديم طلب لمنح فى جامعات اوروبا لطلاب طب غزه فأعتقد يمكن تحقيقه. و على سياق الموضوع احب اوضح نقطتين : ارسل لى الكثير من طلاب الطب فى غزه يسألوا على امكانيه استكمال تعليمهم فى مصر حتى لا تضيع سنوات الدراسه التي قضوها، و لكن للاسف لا يوجد الى الان قرار فى هذا الموضوع فى مصر، بمعنى اى طالب حيقدم من اى جامعه خارج مصر لابد ان يبدأ من السنه الاولى ، ثانيا بخصوص منحه لدراسه الطب فى مصر: فللاسف ايضا الى الان لا توجد منح فى مصر، ربما تصدر قرارات جديده مع انتهاء الحرب و قبل بدايه العام الدراسى الجديد و لكن الى الان لم يصدر اى قرار.
لذلك ارى ان المبادره المطروحه فرصه افضل للتواصل مع الاطباء فى الغرب خاصه ان الاطباء المشاركين من دول غربيه مختلفه ، فالضغط الشعبى هناك احيانا يأتى بثماره. لذلك ارجو بتعميم هذا المنشور و مشاهده الفيديو الذى يشرح النظام و ملئ الفورم الملحق معه و التواصل من خلال الايميل المكتوب فى حاله اى استفسار. كل الدعاء لأهالينا فى غزه ان ربنا يحفظهم و ينصرهم و يثبت اقدامهم و ينهى هذا الكرب عن قريب
الفيديو

https://www.palmedeurope.org/en/palmed-academy-launches-gem-v1/

الفورم

https://docs.google.com/forms/d/e/1FAIpQLSfB4Ww-pEorR3_uJeg-4_pZdmlYZ9sirDUuzYzbsg9oK7FFcw/viewform?usp=sf_link Open / Comment

2024-03-13 22:42:45 https://docs.google.com/forms/d/1nhLAGggkY1TpA9oJd7MA4ibq7gOQ84sqVWocJQuMeOc/viewform?ts=64dd4887&edit_requested=true Open / Comment

2024-03-03 22:16:19 https://www.youtube.com/channel/UC_X5Gca_wB8pfbz0Ka7w0gg Open / Comment

2024-03-03 22:16:15 السلام عليكم يا شباب
زى ما كنت بقول دايما ان السوشيال ميديا سلاح ذو حدين، و الانسان الذكى هو اللى يعرف يستغلها صح، و اكتر حاجه بفرح بيها لما بلاقى الطلبه بتعمل حاجه مفيده بجانب الدراسه و بتفيد بيها نفسها و غيرها روان زميلتكم فى الفرقه الرابعه فى كليه الطب فتحت قناه على اليوتيوب لتعليم تجويد القرآن الكريم بصوره مبسطه لأى حد لسا مبتدئ و هو ده الاستغلال الصح لمنصات التواصل الاجتماعى فيا ريت نشجعها و ندعمها و اى حد فيكم قرر يعمل حاجه مفيده و عاوزنى انشرها انا على اتم استعداد عاوزين نرفع شعار دعونا نرتقى و نبتعد عن الفتن اللى اصبحنا محاصرين بيها من كل جانب بالتوفيق للجميع و لا تنسوا الدعاء لأهل غزه المستضعفين فى الارض بأن يرفع الله عنهم هذا البلاء Open / Comment