مساء الخير يا شباب اكيد كلنا سمعنا و شفنا القنوات التعليميه ا | Dr Iman Nabil Histology

مساء الخير يا شباب
اكيد كلنا سمعنا و شفنا القنوات التعليميه الاجنبيه زى khan academy و زى osmosis و غيرهم، و اكيد طريقه الشرح و الانيميشن بتخلى المعلومه تثبت اكتر. اللينك اللى انا بعتاه ده لاول بروجيكت فى الوطن العربى حيتعمل للمواد الطبيه بانيميشن من صنع طلابنا و باللغه العربيه و تحت اشراف و شرح اساتذه من جامعه الاسكندريه. زميلكم محمد فى الفرقه التانيه جامعه الاسكندريه صاحب فكره هذا المشروع و بدأ بالفعل فى التنفيذ و كنت براجع معاه و بنصلح و نحاول نطلع الحاجه على احسن مستوى، بس طبعا الموضوع كبير و محتاج فريق عمل، و محمد شغال لوحده بقاله شهور، و اكيد لما يكون فيه فريق منظم الموضوع حيفرق كتير، و الشغل اللى حيطلع ده حيكون الاول فى الوطن العربى كله باذن الله. فلو حد حابب يشارك فى الفريق ده و يكون له بصمه فى تغيير مفهوم الشرح فى الوطن العربى و اثبات ان احنا نقدر نصمم فيديوهات لا تقل مستوى عن الغرب ، فتقدر تدخل على الفورم ده و تملاه، و المجهود ده كله حيكون له قناه خاصه و كل طالب حيشارك حيكون اسمه فى فريق الاعداد و التنفيذ. و الاجازه داخله خلاص علينا فحيكون فيه فرصه كويسه انك تستغلها فى حاجه حتغير و حتفيد الكثير من طلابنا