YA ALLAH! AAPKA RISHTA E ULFAT AUR MERA RISHTA E ABDIYAT SALAA | Islam,the message of peace & truth 💖

YA ALLAH! AAPKA RISHTA E ULFAT AUR MERA RISHTA E ABDIYAT SALAAMAT RAHE...

RAAH E WAFA-

Janna chahte ho wo asal sadaaqat aur haqeeqat jissey azal wa abad, zamaan wa makaan, jannat dozakh, duniya aakhirat wujood paa gaye. Aasmani kitaaben, tamaam Ambiya (a.s) ki zindagiyan aur saari makhluqaat wujood me aagayi. Jisne kainaat e kulliyah ko apne hisaar me le rakha. Wo sab se pehli badi haqeeqat, asal aur sachchayi 'LAA ILAAHA ILLALLAH MUHAMMAD UR RASOOLULLAH' hai. Yahi wo sabse badi haqeeqat hai. Jisko hamare NABI aakhri uz zamaan MUHAMMAD (s.a.w) ne apni qayaamat tak aane wali ummat tak pahunchane keliye tamaam zillaton, ruswaayiyon ka saamna kiya tha. Tamaam gamon aur zakhmon ko sabr wa tahammul ke saath bardasht karliya. Ummat e muslima ke har fard par uski hifaazat farz aur laazim hai. Aur uski hifaazat usey apne qalb wa jawaareh me basaakar hi ki jaa sakti hai. Bidoon iske duniya wa aakhirat ke tamaam maraahil wa manzilon par nijaat wa surkhuruyi ki koyi raah nahi hai. Bas yahi raah e wafa hai jis par gaamzan hokar hi ham apne RAB, ALLAH ko aur unki razaa wa khushnudi ko paa sakte hain.....