2022-09-01 14:13:53
Mustaqillik o’zi nimaligini bilamizmi?
Uning nimaligini bilish uchun avval mustaqil bo’lmaslik nimaligini tushunish kerak. Xudoga shukrki, biz qaramlik nimaligini bilmaymiz.
Mustaqillik asl nimaligini tushunishni hohlasangiz, 20-asr yozuvchilarimiz kitoblarini o’qing.
O’tgan oylarda
“Ufq”, yaqinda esa
“Otamdan qolgan dalalar” kitobini o’qidim. O’qib, yig’ladim. Yig’lamaslik iloji yo’q. Shunday kitoblarni o’qib, nega bizda ko’p sohalarda rivojlanish ortda qolganini tushunasiz.
O’tgan asrda yashagan ajdodlarimiz judayam mehnatkash bo’lgan. Bor kuchini, mehr-muhabbatini mehnatga berib, fidokorlik qilgan. Lekin nega bunchalik jon kuydiryapman, bundan menga nima naf deb hayoliga ham keltirmagan. Bizga shunday topshiriq berildi, endi uni bajaramiz deb o’zini o’qqa-cho’qqa urgan.
Lekin mehnatini tagi rohat emas, jafo bo’lgan. Qilgan mehnatiga arzimagan chaqa olgan yoki ba’zida shu chaqaniyam ololmasdan, bitta medal yoki yorliq bilan aldab qo’yaverishgan. Sodda xalqim shuni o’zi menga katta baho deb xursand bo’lib yuravergan.
Bu ham yetmagandek, o’rmonga o’t ketsa, ho’lu-quruq barobar yonadi degandek, qama-qama boshlanib, aybsiz ham aybdor ham qamalgan. Endi, bechora saratonda kuyib-pishib kanal qazigan, urushga borgan, qaddi bukilib, paxta ekkan, normani bajaraman deb sog’ligidan kechgan xalqimiz orasidan nechi ming odam qamalgan.
Tog’ay Murod tili bilan aytganda, holvani kattalar yegan, kaltakni kambag’allar. Shunday achinarli taqdirlarni o’qib, shukr deysiz. Albatta, shukr qilamizda, hozir erkimiz o’z qo’limizda. O’qisak, til bilsak, bitta sohani mahkam ushlasak, qadrimiz oshadi. Hoh O'zbekistonda, hoh chet elda, hoh uyimizda turib kompyuterdan istagan joyda ishlab-o’qiyveramiz. Biror begona bizga
“dalaga chiq, normani bajar, o’qib odam bo’larmiding?” demaydi. (Agar o’zimiznikilar shunday demasa.)
Qadrdonlar, siz bilan boshimda g’uvillab aylanib yurgan fikrlarimni bo’lishdim. Umid qilamanki, sizga foydali bo’ldi. Men esa, yozib miyamni yengil qilib oldim.
T.me/guloramuzaffarova
1.5K views11:13
E
