Биология сертификат нима бўлди? Абитуриентларга рухсатнома | English with Mega Ziyo
Биология сертификат нима бўлди?
Абитуриентларга рухсатномаларни бериш бошланди
Абитуриентлар синовларда иштирок этиш учун «Абитуриент рухсатномаси»ни my.dtm.uz сайтидан паспорт серияси ва рақами ҳамда шахсий идентификация рақамини киритган ҳолда олиши мумкин. Бу ҳақда ДТМ хабар бермоқда.
———
Мана бу рухсатномада кўриб турганингиз абитуриент биринчи биология миллий тест имтиҳонидан ўтган бали 74,5 фоиз тўплаган, биринчи имтиҳон натижасидан қониқмай уни бекор қилган ва иккинчи биология бўйича миллий сертификати имтиҳони топширади, лекин унинг жавоби чиқмади, энди чиқмаса ҳам керак, чунки имтиҳон натижалари рухсатномада кўрсатилиши керак, рухсатнома тарқатиш эса айтилган муддатдан олдин тарқатиб юборилди.
Биологиядан пул тўлаб савол сотиб олганлар биродар ва биродаркалар, шунингдек уларнинг ота-оналари, бемалол пулларингизни қайтариб олаверинг, ўша фирибгарларнинг шаппа бориб бўйнидан буғинг, токи пулингиз ишлатилиб кетмасин. Жуда тезкорлик билан ҳаракат қилинг, акс ҳолда улар Канада чегарасига етиб олиши ҳеч гап эмас. Ҳа, деса, ана битта тентак айтди, биология тест бекор бўлибди деб қўяверинг.
Мен ДТМ бу ҳолатда тўғри қилди деб ўйлайман, бу келажак учун яхши сабоқ бўлади, лекин ДТМ нега бу ҳақида очиқ гапирмаяпти, ҳа, тўғри ДТМнинг билвосита ёки бевосита айби билан саволлар чиқиб кетди, лекин мана шу хатони тан олиб, шунинг учун биз барча тест натижаларини бекор қилдик деса, ДТМ миллий қаҳрамонга айланиб кетади-ку, айнан ҳозир ДТМ ва Қабул комиссияси шу йўл билан ўзини пиар қилиб олиши мумкин-ку.
Майли кутиб турайлик, эълон қилиб қолишар, лекин ҳозир биологиядан тест сотганлар ва сотиб олганлар ўртасида контр-страйк бошланади. Охирида ҳалиги овози бор-ку, counter-terrorists win деган жойи, шу жойи ёқади-да.
@tentakminds
