YAA ARRABAA! ▬▬▬▬▬▬▬▬ Ati lafee hin qabdu garuu lafee cabsita Ilkaanuma soddomii lama gidduu teessee haqaaf dhugaa dabsita. ┈┈┈••❖••┈┈┈ Qaamni miiraa hundinuu aarii keetiin finiinee Maal fidda laata? utuu ilkaan soddomii lamaan sun wolii galee si ciniinee! ┈┈┈••❖••┈┈┈ Gadi fuutee salphifta beekaa namaa fi hayyuu Madaan ati madeessite bara baraan hin fayyu. ┈┈┈••❖••┈┈┈ Yoo feete ol fuutee faarsita hattuu fi gantuu namaa Ati tokkittiidha yaadnii fi bifti kee lama. ┈┈┈••❖••┈┈┈ Ijji, gurrii fi funyaan sababa kee yakkama Qaama namaa guutuuyyuu situ taasisa shakkamaa! ┈┈┈••❖••┈┈┈ Keessi kee summiidha gubbaan kee fooniin haguugame Sababa keetiin nama meeqatu lafarraa daguugame! ┈┈┈••❖••┈┈┈ Si too’achuu dadhabee gad si dhiise namatu Qaama miiraa keessaa si’i kan nama hamatu. ┈┈┈••❖••┈┈┈ Isa kaanitti damma biiftee faaruu sobaatiin sirbisiifta Obbolaa wal jaalatan ilmaan haadha tokkoo wal jibbisiifta. ┈┈┈••❖••┈┈┈ Badiin ati qabdu baay’eedha yooman danda’ee barreessa Akka hojii keef silaa mureen of keessaa si balleessa. ➦ Gαℓαтσσмαα!!! Υєʀσσ Gααʀιι sʜᴀʀᴇ◈sʜᴀʀᴇ◈sʜᴀʀᴇ @Gaggeessummaa @Gaggeessummaa ᴊᴏɪɴ 4.8K viewsGetbot, 09:06
