2021-10-02 07:24:12
O'zbekistonning AQShdagi elchixonasi binosi tarixini bilasizmi?Ushbu bino AQShlik
Clarence Moore ismli millioner tomonidan
$400,000 AQSh dollari sarflab 1909-yilda qurdirilgan bo'lib, o'sha paytda
eng zo'r shaxsiy qarorgohlardan biri hisoblangan.
Eng qizig'i va achinarlisi, ushbu millioner bu uyda ko'p yashash nasib etmagan. 3 yil o'tib, 1912-yilda Clarence Moore
Titanik kemasida safarga chiqib, kema fojiasi qurboniga aylanadi. Ushbu fojiadan so'ng, bu binoni Kanada hukumati, elchixona sifatida ishlatish uchun $375,000 AQSh dollariga marhum Moore ning bevasidan sotib oladi va 1988-yilgacha elchixona sifatida ishlatadi va so'ngra yangi binoga ko'chib o'tadi.
1995-yilda O'zbekiston hukumati ushbu binoni Kanada hukumatidan
$5mln AQSh dollariga xarid qiladi va ayni paytgacha ushbu binodan
Elchixona sifatida foydalanib keladi. Bino jami 8 qavat bo'lib, podval 2 qavat va yuqori qismi 6 qavatdan iborat.
Binoning deyarli 90% ichki va tashqi holati 1909-yildan beri original holatda saqlanadi va bino ichidagi taxta o'ymakorlik ishlari juda ham hayratlanarli. Xoh ishoning, xoh ishonmang,
1909-yilda o'rnatilgan lift (to'g'ri o'qidingiz, lift) hali hamon ishlaydi va u hech qanaqa o'zgartirish kiritilmagan
original lift.
Ushbu liftning videosini ham quyidagi rasmlar orasida ko'rishingiz mumkin. Ushbu Elchixona devorlariga O'zbek rassomlari tomonidan chizilgan
haqiqiy go'zal san’at asarlari osilgan bo'lib, ushbu go'zallikni yaratishga va O'zbekona muhitni shakllantirishga sobiq elchimiz Sodyq Safaevning anchagina xizmatlari bor.
Bugun biz Amerikadagi faxr-iftixor uyimiz, elchixonamizga tashrif buyurdik va Elchi janoblari
Javlon aka Vahabov bizni ustozlar va murabbiylar kuni bilan muborakbod etgan holda, kechki tushlikni biz bilan birgalikda qildilar.
Eslatib o'tamiz, ushbu O'zbekistonning AQShdagi Elchixonasi
rasman Amerikadagi O'zbekiston hududi hisoblanib,
shuni xulosa qilib aytsak bo'ladiki, ahayt, akang nonushta bilan tushlikni Amerikada, kechki ovqatni O'zbekistonda qildi. Akang yana bir marotaba kuchaydi, kuchaydi!!!
Telegram | Instagram | Facebook | Roboteach
2.1K views04:24