باياتيلار... .....ارمو گؤلو ....«حميد آرش‌آزاد» ياخچال‌لار ب | حمید آرش آزاد
باياتيلار... .....ارمو گؤلو ....«حميد آرش‌آزاد»
ياخچال‌لار بوزلو اوْلار
گؤي‌لر اولدوزلو اوْلار
«اورمو» گؤلو قوروسا
اؤلكه‌ميز دوزلو اوْلار!
*
قوربانينام اوستاندار
سولار اوْلورو بُخار
علاج اوْدور قوراسان
اللي - آلتميش سمينار!
*
گل بير تدبير گؤتوره‌ك
بو گؤله سو يئتي‌رك
باشماق، قالي، كاغيذ تك
چين‌دن سودا گتيره‌ك!
*
قوراقليق آتيب اوْخو
قورودور واري- يوْخو
عزيز مسؤول‌لاري‌دا
آپاريب شيرين يوخو!
*
قوْنشودور ايكي اوستان
بيري لعل، بيري مرجان
مسؤول‌لاري چاليشسا
بو گؤل اوْلار نمكدان!
*
كئچدي قيش، گلدي باهار
داها بس‌دير انتظار
مديرله ساغ‌ليغينا
بوردا بير «كوير»ده وار!
*
نه گره‌ك غمه دوْلماق؟
غصه‌دن، درددن سوْلماق؟
بلكه مسؤول‌لار دئيير:
«ياخشي‌دير دوزلو اوْلماق؟!»
