دائما كنت استغرب من الحديث يلي بقولوا فيه انو مو من حق اي تنين | شـಿـعور

دائما كنت استغرب من الحديث يلي بقولوا فيه انو مو من حق اي تنين متزاعلين يهجروا بعض فوق ال٣ ايام
مرة تزاعلت مع رفيقتي وتركتني لاهدا وراحت
تاني يوم سألتها : هان عليكي نام زعلانة !..
قالتلي انا كان قصدي اتركك لتروقي بعدين منحكي
رديتلا : لو خايفة ع بيتك النار ماتاكلو لازم تطفيها وهي ولعانة وماتتركيها تهدا لوحدا لانو لو هديت لوحدا رح تكون خلص حرقت كلشي
و نار الغضب لما يطفيها التعود والوقت ؛ رح تاكل جزء من العلاقات مابيرجع مرة تانية...
يمكن مافينا نتجنب الزعل مع الناس الي منحبن بس غلط نترك الزعل ينام بقلوبنا ويبعدنا عنهن...
بعد عشرة ما بتتكرر...
الاهتمام حلو ومو ضعف نكون حناين لما نغلط بحق حدا منحبو
لازم نعرف نتحكم بمشاعرنا وعقلنا وشوفي ورا كل تصرف من شخص تجاهنا وانو الغلط مابعمرو كان بنية الغلط