2021-11-23 15:12:27
Kimning dunyoqarashi bilan yashayapmiz?
• Hozir yoshingiz nechada bo'lsa ham oradan 6 oy yoki 1 yil o'tib o'tgan yildagi fikrlaringiz biroz sayqallanmaganligini his qilasiz.
• 18-20 yoshli o'g'il-qiz doimo shoshqaloq va qiziquvchan bo'ladi. "Vaqt hali bor" degan gapga doim aldanadi va ishonadi.
• 18-22 yoshli talaba o'g'il-qizlar kimdir chet elda o'qigani grant yutib olsa o'zining asl maqsadlarini unutib faqat o'sha grantni qanday qilib yutish haqida o'ylaydi.
• Kim nima qilayotgan bo'lsa, o'sha faoliyatni yana boshqattan o'zi qilgisi keladi.
Havas qilishni bahona qilib, aslida tajribali shifokor, muhandis, uchuvchi, o'qituvchi, novvoy, tikuvchi yoki veterinar, bog'bon bo'lishni qachonlardir katta maqsad qilib qo'yganini unutadi. Yillar o'tib esa afsuslanadi.
• Agar ilmli bo'lsa-yu, 10 ta ilmsizning jamoatida bo'lib qolsa, ilmli bo'lib qolishga kuch topolmay, o'sha ilmsizlarning o'n birinchisiga aylanishga oson ko'nadi.
• Ota-ona, aka-uka, jigarlarining, do'stlarning aytgani - uning uchun haqiqiy to'g'ri maslahat ekanligiga ishongisi kelmaydi. Ammo bu haqiqatligini biladi.
• Maktabda 9-sinf bo'lsa, hali 11-sinfgacha 3 yil borligini o'ylab, xotirjam bo'ladi.
• Bir amallab universitetga kirsa, fanlardan, ustozlardan, ta'limdan nolishdan boshqasiga yaramaydi.
Hali 2/3/4-kurslar borligiga ishonib yashaydi. Qolgan kurslarda "eng zo'r talaba" bo'lishiga ishonadi o'zicha.
• Harvard, Oxfordni bitirsa, nimanidir qoyillatadiganday tuyuladi. Lekin Jannatga kirish uchun diplom so'ralmasligini unutib qo'yadi.
• Ko'p pul topish uchun faqat zamonaviy kasblardan birini o'rganish kerak degan gapni miyyasidan chiqara olmaydi.
• "Yuksak farosat-u zakovati" bilan saqich chaynab, qog'ozini yerga tashlab ketadi.
Obodonlashtirishda ishlaydigan amaki va xolalar "hobbi" uchun ular tashlab ketgan chiqindilarni tozalashib, "maza qilishadi, xursand bo'lishadi".
• Ota-onasi farzandim musofirchilikda qiynalmasin, och qolmasin deb bir amallab pul yig'ib, bolasiga yuboradi.
Farzand esa kun bo'yi och yurib, do'konda ko'rgan brend kiyim olish uchun, zamonaviy ko'rinish uchun yemay-ichmay pul yig'adi.
________________________- Sardor Rahimxonga 33-savol ma'rifiy loyihasida shu savolni berishdi:
" Sardor aka, sizni nima ko'proq xafa qiladi?"
- Javobini You Tube dan ko'rib olarsiz.
• Agar mendan xuddi shu savolni so'rashsa, bu javobni aytaman.
" Tengdoshlarim va yoshi kichik ukalarim va singillarim faqat va faqat o'zi xohlagan orzusini amalga oshirsin. Faqat yaxshi niyat bo'lsin. Boshqalar nima qilayotgan bo'lsa, o'shani takrorlashmasin.
Ular kimlarnidir hayoti bilan yashab, o'zini unutib yubormasliklarini juda xohlardim".
Srsobirov
@khabibullaev4 | Personal blog
86 views12:12