نوێترین هەواڵە تەکنەلۆژییەکان لە کەی ئای تی ئێنەوە بخوێنەوە! | ‎Kitn.net کەی ئای تی ئێن

نوێترین هەواڵە تەکنەلۆژییەکان لە کەی ئای تی ئێنەوە بخوێنەوە!

1- بە فەرمی و بەمزووانە مۆبایلی Poco F4 نمایش دەکرێت و چیپسێتی Snapdragon 870 لەسەر جێگیر دەکرێت.

2- بە فەرمی وەشانی باشتر کراوی (Remake) ـی یاری (The Last of Us Part I) لە ڕۆژی 2 ـی مانگی 9 ئەمساڵ بڵاو دەبێتەوە.

3- مێتا یەکەمین چاویلکەی VR/AR بەرهەم دەهێنێت، بەڵام ئەم وەشانە تەنها بۆ گەشەپێدەران بەردەست دەبێت.

4- لاپتۆپی Dell XPS 13 نوێ کرایەوە بە نرخی دەستپێکی 999 دۆلار، تایبەتمەندییەکان:

- ڕوونما: 13 ئینج بە ڕوونی 3K و داپۆشەری شووشەیی Corning Gorilla Glass 7.

- پرۆسێسەر: Intel Core i5-1230U یان Core i7-1250U .

- گرافیک: گرافیکی ناوەکی Intel Iris Xe.

بیرگە: ,256GB PCIe 4 SSD , 512GB PCIe 4 SSD 1TB PCIe 4 SSD.

ڕام: 8 گێگابایت، 16 گێگابایت.

5- کۆمپانیای HTC دوای ماوەیەکی زۆر دەگەڕێتەوە نێو بازاڕی مۆبایلە زیرەکەکان و لە بەرواری 28/6 ئەمساڵ مۆبایلێکی نوێی ئاست بەرز نمایش دەکات.

6- مۆبایلی Nothing Phone 1 (ڕکابەرەکەی ئایفۆن بە پێی وتەی سەرۆکی کۆمپانیاکە) لە ڕۆژی 12 ـی مانگی 7 ئەمساڵ نمایش دەکرێت.

7- بە فەرمی لە ڕۆژی 15 ـی ئەم مانگە کۆمپانیای DJI بۆنەیەک ڕێک دەخات بۆ نمایش کردنی بەرهەمە "پرۆ" ـیەکانی.

8- سێیەمین وەشانی تاقیکاری لە ئەندرۆید 13 بە هەندێک چاکسازی و تایبەتمەندییەوە لە لایەن گووگڵ بڵاو کرایەوە.

9- بە فەرمی بیستۆکی بێتەلی Huawei FreeBuds 5i بە باشتر کردنی تایبەتمەندی لابەری ژاوەژاو و 28 کاتژمێر بەرگەگرتنی پاتری و نرخی 90 دۆلار نمایش کرا.

10- ئێکسبۆکس پلانی وایە بە درێژایی ساڵی داهاتوو بە لایەنی کەمەوە پێنج یاری تایبەت بەخۆی و بەچێژ بڵاو بکاتەوە.

11- سەرۆکی کۆمپانیای BYD چینی ڕایگەیاند لە زووترین کاتدا پاتری بۆ ئۆتۆمبێلە کارەباییەکانی تێسلا دابین دەکەن.