ဘယ်သူ့ သူငယ်ချင်းလဲ ================ သူငယ်ချင်းနှစ် | Thurein
ဘယ်သူ့ သူငယ်ချင်းလဲ
================
သူငယ်ချင်းနှစ်ယောက် လမ်းလျှောက်လာရင်း စကားပြောကြတယ်....
"ဟေ့ကောင် မင်းတယောက်ထဲ သဲကန္တရမှာ လမ်းလျှောက်သွားရင်း ခြသေ့် နဲ့ တွေ့ရင် ဘယ်လို လုပ်မလဲ ကွ ''
"သေနတ် နဲ့ ပစ်မှာပေါ့ ကွ ''
"လမ်းလျှောက်ထွက်တာ သေနတ် မပါဘူးလေ ''
"ထွက်ပြေးမယ်ကွာ ''
"ခြသေ့်က မင်းထက် အပြေးမြန်တယ်လေ ''
"သစ်ပင်ပေါ် တက်ပြေးမှာပေါ့ ''
"သဲကန္တရထဲ အပင်ကြီးမရှိဘူးလေ ''
"ရေကန်ထဲ ရေကူးပြေးမယ် ကွာ ''
"အို အေ စစ် နဲ့ အဝေးကြီး ဟ''
"ဟေ့ကောင် နေပါအုံး မင်းက ငါ့သူငယ်ချင်းလား.. ခြသေ့် သူငယ်ချင်းလား...?''
ဟုတ်ကဲ့ ဒီနေ့ တပ်မတော်ထောက်ခံပွဲ ပြုလုပ်ကြတာနဲ့ ပတ်သက်ပြီး ဝေဖန်နေတာတွေ ဖတ်နေရလို့ အထက်ပါ ပုံပြင်လေးကို သတိရ ရင်း ပြုံးမိပါတယ် ။
တပ်မတော် ထောက်ခံပွဲ အတွက် ပထမဆုံး နေပြည်တော်မှာ ကျင်းပဖို့ ဖိတ်ခေါ်ကြစဥ်က ကျနော်လည်း လုံခြုံရေး သတိနဲ့ လုပ်ကြဖို့ သတိပေးရေးသားဖူးပါတယ် ။
ယနေ့ မန္တလေးမှာ ပြုလုပ်မယ့် ပွဲအတွက် မိုက်ကယ်ကျော်မြင့် ပို့စ်တင်ထားလို့ ကြိုသိပြီး စိုးရိမ်မိတာ အမှန်ပါပဲ ။ မထင်မှတ်ပဲ မြို့ အတော်များများမှာ တပြိုင်နက်တည်း ကျင်းပခဲ့တာ တွေ့ရလို့ အံ့သြမိပါတယ် ။
တပ်မတော်ကို ထောက်ခံစရာ မလိုပါဘူး ဆိုတဲ့ အတွေး နဲ့ အန္တရာယ်ဖြစ်မှာ စိုးရိမ်မိလို့ မလုပ်စေချင်သူတွေလည်း အများအပြားပါပဲ ။
နိုင်ငံရေး လိုအပ်ချက်အရ မူလ သတ်မှတ်ထားတဲ့ ကုလအစည်းအဝေးရှိတဲ့ နိုဝင်ဘာလ မှာ ပြုလုပ်မယ့် အစီအစဥ်အား အာဆီယံ အတွက် အားခြင်း ရှေ့တိုး စီစဥ်လိုက်ရတဲ့ ပွဲလို့ သိရပါတယ် ။
အကြောက်တရားနဲ့ ခြိမ်းခြောက်ထားတဲ့ PDF လူယုတ်မာတွေရဲ့ ရန်ကြောင့် စိုးရိမ်နေရတဲ့ အမျိုးသားရေးသမားအများစု မတက်ရောက်နိုင်ကြပေမယ့် ပွဲစီစဥ်သူတွေရဲ့ ချီးမွမ်းဖွယ် အစီအစဥ် နဲ့ တက်ရောက်သူတို့ရဲ့ ရဲရင့်တက်ကြွမှုကတော့ အံ့မခန်းလို့ ပြောရပါမယ် ။
ဒီပွဲစဥ်တွေ စကတည်းက မိမိနဲ့ fri ဖြစ်ထားတဲ့ မိတ်ဆွေအချို့ ဝေဖန်နေကြပါပြီ ။ မလိုအပ်ပဲ ဖင်ယားတယ်လို့ ၊ မိတ္ထီလာသတင်းကြားတော့ ဝမ်းမနည်းဖူးတို့ ရေးတင်နေတာ တွေ့ရပါတယ် ။
နောက် ကိုဗစ် စည်းကမ်းအကြောင်းပြပြီး ဥပဒေ ဖောက်ပြန်နေတဲ့ အုပ်စုအဖြစ် ဝေဖန်ထောက်ပြကြပါတယ် ။
အမျိုးသားရေး သမားအခြင်းခြင်း အဲသလောက် ဝေဖန်နေတာလည်း မသင့်ပါဘူး ။ မိမိ မလုပ်ရဲတဲ့ ကိစ္စကို ရဲဝင့်အောင်မြင်စွာ လုပ်ပြသွားသူတွေကို လက်ခုပ်မတီးနိုင်ရင်နေကြပါ ။ ကဲ့ရဲ့ခြင်းငှာ မပြုသင့်ဖူးလို့ ယူဆမိပါတယ် ။
ယခုလို လုပ်ပြခြင်းဖြင့် VOA လို သတင်းကနေ တပ်မတော်ကို ထောက်ခံသူ ပြည်သူတွေ အများအပြားရှိနေကြောင်း ဖော်ပြလာရပါပြီ ။
နောက် ကိုဗစ်ကိစ္စနဲ့ အကြောင်းပြုပြီး ဂေဖန်မယ်ဆိုရင်လည်း ရန်ကုန်လာပြီး YBS စီးကြည့်ပါလို့ အကြံပြုချင်ပါတယ် ။ ညှပ်သပ်နေတဲ့ YBS ပေါ်မှာ ကိုဗစ် ဥပဒေ ကိုဗစ်ကူးစက်နိုင်ခြင်း ဆိုတာ ဥပေက္ခာပြုထားရတာ ကြာပါပြီ ။
NLD အာဏာရှိစဥ်က ကိုဗစ် နဲ့ ဘယ်လို ညစ်သွားတယ်ဆိုတာ အားလုံးအသိပါပဲ ။ အခု ထောက်ခံပွဲ ကိစ္စမှာ ကိုဗစ်စည်းမျဥ်း နဲ့ တရားစွဲထားတဲ့ ဒေါ်စုကြည် နဲ့ ဦးဝင်းမြင့်ကို အားနာရမယောင် ရေးထားတာလည်း တွေ့မိပါတယ် ။
ဟုတ်ကဲ့ အလှူလုပ်လို့ဖမ်း ၊ မဂ်လာဆောင်လို့ဖမ်း ၊ တရားပွဲ လုပ်လို့ ဖမ်း ထင်တိုင်းကျဲခဲ့သမျှ မဲဆွယ်ပွဲမှာ အဲဒီ ဥပဒေကို လွှင့်ပစ်ခဲ့တာ မေ့နေပြီလားလို့ မေးချင်ပါတယ် ။
သူတို့ နှစ်ယောက်ကို အဲဒီ ပုဒ်မ နဲ့ တရားစွဲတာ စောက်မြင်ကပ်လို့ ဆိုတဲ့ အချက်ပါနေတာ သိရဲ့သားနဲ့ တန်းမညှိကြပါနဲ့ ။ ကိုဗစ်ကာလ မဲဆွယ်တဲ့ နီပိတ်တွေ ဘယ်သူမှ တရားစွဲမခံရပါဘူး ။
အဲဒါကို တပ်မတော်ထောက်ခံပွဲ လုပ်မှ တရားစွဲရမယ် ဆိုတော့ကား ခင်ဗျားတို့ ပေးတဲ့ အကြံက တပ်မတော် နဲ့ သွေးခွဲတဲ့ အကြံဖြစ်မနေဖူးလားဗျာ ။
တဖက်က လူယုတ်မာ NLD တွေက ရတတ်သရွှေ့ ယုတ်မာ ရက်စက်နေပါတယ်ဆိုမှ ဒီဖက်က အဖြူစင်ဆုံး လုပ်ပြရအုံးမှာလားဗျာ ။ အချင်းချင်း မလိုအပ်ပဲ ဘာလို့ သွေးကွဲအောင် ထောက်ပြဝေဖန်နေကြပါသလဲ ။
ထောက်ခံပွဲကနေ အမြတ်ထုတ်ကြည့်ပြီး လုပ်ပြသူတွေကို ချီးမွမ်းစမ်းပါ ။ နိုင်ငံရေး အမြတ်ထွက်ပါတယ် ဗျ ။
၁ ။ တပ်မတော်ကို ပြည်သူတွေ ထောက်ခံနေပြတယ်ဆိုတာ ငြင်းမရတဲ့ သက်သေရသွားပြီ ။
၂ ။ အမျိုးသားရေးသမားတွေ အိမ်တွင်းပုန်း ကြောက်ပြမနေဖူးဆိုတာ လူယုတ်မာတွေ သိသွားပြီ ။ တနည်း အမျိုးသားရေးသွေး ဘယ်လောက်ရဲသလဲဆိုတာ မှတ်ကျောက်တင်နိုင်ခဲ့ပြီ ။
၃ ။ မန္တလေးလို ကြိုသိရတဲ့ ပွဲကြီးမှာ အဖျက်အမှောက် ပြုလုပ်ဖို့ ကြိုတင်ကြံစီချိန် ရခဲ့ပေမယ့် အင်မတန် ယုတ်မာတဲ့ PDF တွေ ဘာမှ မလုပ်နိုင်လောက်အောင် ချိနဲ့ အားကုန်နေပြီဆိုတာ သိလိုက်ရပြီ ။
၄ ။ အမှိုက်ပုံ ဗုံးခွဲ ၊ ခိုကိုးရာမဲ့ အိမ်ခြေမဲ့ ပလုံးတွေ သတ်ဖြတ် နဲ့ PDF သင်းကွဲတွေရဲ့ ဗရမ်းဗတာ အနေအထားကို သိရပြီ ။
ဒီပွဲစဥ်ကြောင့် ဒီလို အမြတ်ထွက်ပါတယ် ။ ဒါကြောင့် စီစဥ်သူတွေ နဲ့ ရဲရင့်စွာ တက်ရောက်ခဲ့သူတွေ ဝန်းရံခဲ့သူတွေကို လေးစားစွာ ဂုဏ်ပြုအပ်ပါတယ် ။
