အာဆီယံ + UN Vs မြန်မာ ================== .....ပထမဆုံး မြန်မာအ | Thurein

အာဆီယံ + UN Vs မြန်မာ
==================

.....ပထမဆုံး မြန်မာအစိုးရ လက်ခံခဲ့တဲ့ အချက်ငါးချက် ပြန်လေ့လာကြည့်ပါ ။

၁ ။ အကြမ်းဖက်မှုများ အမြန်ဆုံးရပ်တံ့ကြရန် ။

၂ ။ ပြည်သူလူထုအကျိုးဖြစ်ထွန်းစေမည့် ငြိမ်းချမ်းသည့်အဖြေတရပ်ရရှိစေရန်အတွက် သက်ဆိုင်ရာအဖွဲ့အစည်းများအားလုံးကြားအပြုသဘောဆောင်သည့်တွေ့ဆုံညှိနှိုင်းမှုများပြုလုပ်ရန် ။

၃ ။ အာဆီယံဥက္ကဌ၏သံကိုယ်စားလှယ်က အထွေထွေအတွင်းရေးမှုးချုပ်၏ကူညီပံ့ပိုးမှုနှင့်အတူ ကြားဝင်စေ့စပ်ဆောင်ရွက်ပေးရန် ။

၄ ။ အာဆီယံလူမှုထောက်ကူပြုဗဟိုဌာနမှလူမှုရေးအထောက်အကူများပေးအပ်သွားရန် ။

၅ ။ အထူးသံတမန်နှင့်အဖွဲ့ မြန်မာနိုင်ငံသို့သွားရောက်ပြီး သက်ဆိုင်ရာအဖွဲ့များနှင့်တွေ့ဆုံရန် ။

အဲဒီ အချက် ငါးချက်ထဲမှာ အထူးသံတမန် တွေ့ချင်သောသူနှင့် တွေ့ခွင့်ပေးရမည်လို့ ရေးမထားပါဘူး ။

သို့သော် ဘရူးနိုင်းကိုယ်စားလှယ်က ဒေါ်စုကြည် နဲ့ တွေ့ဆုံခွင့်ပေးဖို့ အသဲအသန်တောင်းဆိုပါတယ် ။ အချုပ်အခြာအာဏာကို စော်ကားတဲ့ တောင်းဆိုမှုမျိုး ဖြစ်နေလို့ နစက အနေနဲ့ မလိုက်လျှောနိုင်ကြောင်း အကြောင်းပြန်ပါတယ် ။

အမေရိကန် နဲ့ အိုအိုင်စီ ရဲ့ ဖိအားကြောင့် ဘရူးနိုင်းဟာ ကိုယ့်မျက်ချေးကို မမြင်ပဲ အကြိမ်ကြိမ်တောင်းဆိုရင်း ဒီမိုကရေစီ ရရှိရန်ဆိုတဲ့ မထော်မနန်း အကြောင်းပြချက်နဲ့ အာဆီယံထိပ်သီး အစည်းအဝေးကို မဖိတ်ဖူးလို့ ခြိမ်းခြောက်လာပြန်ပါတယ် ။

အမျိုးသမီး အခွင့်အရေးမရှိ ၊ ရွေးကောက်ပွဲမရှိ ၊ ရှရီယာ law နဲ့ အုပ်ချုပ်နေတဲ့ သက်ဦးဆံပိုင် ဘုရင်စနစ်နဲ့ အုပ်ချုပ်နေသူက ဒီမိုကရေစီလေသံထွက်လာတာ အင်မတန်ရီစရာကောင်းလှပါတယ် ။

ဘာနဲ့ အလားသဏ္ဍန်တူနေသလဲ ဆိုတော့ ဂွေးတန်းလန်း ဖင်ဟောင်းလောင်း နဲ့ အရှက်ကုန်နေသူက ပုဆိုးမှာ မဆိုစလောက် မီးလောင်ပေါက်ပါသူကို ရှက်စရာကြီး ဆိုပြီး ကဲ့ရဲ့နေသလိုပါပဲ ။

အာဆီယံ ရဲ့ မူအရ ပြည်တွင်းရေးမစွက်ဖက်ရဆိုတာကို သိသိကြီးနဲ့ သခင်တွေ အလိုကျလုပ်ပေးနေတဲ့ ဝက်မစားသုံးနိုင်ငံရဲ့ တောင်းဆိုမှုတွေကို လက်မခံပဲ ပယ်ချနေလို့ အစည်းအဝေးကို နိုင်ငံခြားရေး အတွင်းဝန်တက်ပါလို့ ဖိတ်လာပြန်ပါတယ် ။

ဒီတခါတော့ နစက အနေနဲ့ ကြက်ခေါင်းဆိတ်မခံ ဝန်ကြီးအဆင့်မှ မတက်ရရင် ဘယ်သူမှ မတက်တော့ဖူးလို့ ပြတ်သားစွာ တုန့်ပြန်လိုက်ပါတယ် ။ ပြီးခဲ့တဲ့ ငါးနှစ်လုံး ပြောသမျှ ဟုတ်ကဲ့ပါ လုပ်ခဲ့တဲ့ NLD လို ဘုံကျွန်အစိုးရ နဲ့ မတူတဲ့ တုန့်ပြန်မှုကြောက့် အာဆီယံအစည်းအဝေးလည်း အူကြောင်ကြောင် နဲ့ တိုင်းပြည်မစုံပဲ ကျင်းပကြရပါပြီ ။

အခြားတိုင်းပြည်တွေရဲ့ ဝေဖန်မှုကို ယာယီဥက္ကဌ တာဝန်ယူထားရတဲ့ ဘရူးနိုင်း အရှက်တကွဲ အပြောခံနေရပါတယ် ။

ဘာကြောင့် ဒီလောက်ထိ ဖြစ်သွားကြရသလဲ တွေးဆကြရပါမယ် ။ အဓိကကျတဲ့ ပြဿနာက ဒေါ်စုကြည် နဲ့ တွေ့ဆုံခွင့် မရတဲ့ ပြဿနာက အရင်းခံပါပဲ ။

ကိုင်း ဘာကြောင့် တွေ့ချင်နေတာ အသဲအသန် ဖြစ်နေပါသလဲ စဥ်းစားပါ ။ ဒီကိုယ်စားလှယ်ကတဆင့် ဒေါ်စုကြည်ထံ စကားပါးချက်လို့ တနည်းအားဖြင့် ဘယ်လို ထွက်ဆိုချက် ပေးပါဆိုပြီး အမိန့်ပေးချင်လို့ပဲ ဖြစ်ပါလိမ့်မယ် ။

ဘွားတော်ကြီးရဲ့ ရူးကြောင်ကြောင် အခြေအနေ ရယ် နိုင်ငံရေးပါးမဝမှုရယ် ပေါက်ကရအပြောအဆိုတွေရယ်ကြောင့် နိုင်ငံတကာမှာ အနောက်အုပ်စု အရှက်ရ သိက္ခာကျစရာ ကိစ္စရပ်များ ပေါ်ထွက်လာမှာ စိုးရိမ်နေလို့ ဖြစ်ပါတယ် ။

အဲဒါကြောင့်သာ နိုင်ငံရေးဂုဏ်သိက္ခာအကျခံပြီး အမေရိကန်တို့ ပျာယာခတ်နေကြတာလို့ ယူဆရပါမယ် ။

ထိုင်းနယ်စပ်ကနေတမျိုး ၊ စက်ာပူကနေတဖုံ ၊ UN က တဆင့် တနည်း ၊ သံရုံးက တလမ်း ဥပတိရုပ်ပျက်လောက်အောင် ရာဇအိဒ္နြေပျက်ပြားနေတာ လူမြင်မကောင်း ဖြစ်နေပါပြီ ။

အနောက်အုပ်စုရဲ့ မြန်မာပြည်ဖျက် စီမံကိန်းကြီးရဲ့ အဓိက ပန်းတိုင်ဖြစ်တဲ့ တရုတ်ကို အနီးကပ် ထိမ်းချုပ်လိုမှုဆိုတဲ့ အိပ်မက်ကြီးဟာ နစက ကြောင့် ပျက်ပြယ်သွားရပါပြီ ။

တနှစ်ကို အစည်းအဝေး ၃၀၀ နဲ့ ၄၀၀ ကြား ပြုလုပ်နေတဲ့ အာဆီယံအစည်းအဝေးတွေ ကြားမှာ မြန်မာမတက်ရလည်း နစက အနေနဲ့ လွမ်းလောက်ဖွယ် မရှိပါဘူး ။

ယနေ့ အာဆီယံ နဲ့ UN ပေါင်းပြီး မြန်မာကို ရမလားလို့ ဖိနှိပ်ကြည့်မှုဟာ ဒေသတွင်း စည်းလုံးမှု ပြိုကဲဲခြင်း နဲ့ UN ရဲ့ အနိုင်ကျင့်မှုကို ဖော်ပြတဲ့ ပွဲအဖြစ် ရှုံ့ချခံရခြင်းမှ တပါး မြန်မာပြည်အတွက်တော့ အရှုံးမရှိတဲ့ ပွဲ တပွဲလို့သာ ယူဆရမှာ ဖြစ်ပါတယ် ။

တနည်းအားဖြင့် ပြန်ကြည့်ရမယ် ဆိုရင် မြန်မာပြည်သူတွေထဲက နီပိတ်တွေကလွဲရင် တပ်မတော်ကို ထောက်ခံသူအများစုဟာ လွတ်ငြိမ်းသာခွင့် နဲ့ ပတ်သက်ပြီး မကျေနပ်ဖြစ်နေရတဲ့ ဒေါသစိတ်တွေ ​လျော့ပါးသွားပြီး ဘုံရန်သူသဖွယ် ဖြစ်လာတဲ့ ဝက်မစားသုံးနိုင်ငံ နဲ့ အာဆီယံကို တပ်မတော်နဲ့ လက်တွဲညီညီ အင်အားပြနိုင်တဲ့ ပွဲစဥ်ဖြစ်သွားပါတယ် ။

နောက်တချက်က နစက အနေနဲ့ အစည်းအဝေး လုံးဝ မတက်ဖူးဆိုပြီး ဇာတိမာန်ပြသနိုင်တဲ့ ဆုံးဖြတ်ချက် ချမှတ်ခြင်းဖြင့် နိုင်ငံရဲ့ လူမျိုးရဲ့ အမျိုးသားရေး စိတ်ဓာတ်ကို အမြင့်ဆုံးထိ ဆွဲတင်ပေးလိုက်တဲ့ ပွဲ ဖြစ်သွားရပါတယ် ။