《盧梭的普遍意志論》 3下
3.4
主權同治權嘅分開，令主權可以成為一個獨立嘅政治主體
但博丹嘅政治理論中，公民自由冇扮演重要嘅角色，再睇返盧梭對公民自由不受減損嘅理想城邦定義，
似乎唯一嘅可能就係當所有公民共同進入一個自願嘅公共關係、成為主權嘅一份子、而唔係服從於一個超然嘅主權者之下、使所有人成為城邦嘅一份子，
主權嘅立法就係自我立法，當立法者與守法者統一，服從就係義務，而唔係犧牲。
由是可見，點解主權者權力嘅永久性咁重要？
因為主權權力就為成個社群嘅自主同自由，如果將主權轉讓，就係為人所奴役。
3.5 盧梭點睇主權與治權
「因為主權只有立法的權力，所以它只能透過法律來行動，因此普遍意志的行動便是立法，而只有人民團結的時候，主權才能行動」
盧梭將主權等同於人民嘅集結，而人民共同嘅政治意志，就係主權者嘅意志，以三權概念嚟睇，主權係立法權，而司法權同行政權係分開。
3.5.2 主權高於治權
立法主權係高於政府，因為「當被代表嘅主權者出現，便無需要任何代表」
治權，只係為咗喺主權暫時隱去嘅時候，確保主權者嘅命令有效運作，當主權重新出現，呢啲代表再冇需要存在。
3.5.3 殊別意志
因為普遍意志講求平等性，以公權力向自己立法，所以殊別意志同普遍意志係唔同(particular will & general will)，即係話普遍意志只針對立法權，個別政策推行嘅只係長官嘅意志(acts of government)。
3.6 why主權在民？
盧梭認為主權在民嘅道德優越性係源於對公民自主同自由嘅尊重
如果主權者嘅權力集中係少數人手上，大多數人無法參與法律嘅制定，只能服從有少數制定嘅法律，咁就係對自由嘅約束，喺政治上亦都成為被支配嘅階層
只要佢主權在民嘅政治世界，立法者同守法者屬於同一班人，法律先成為人自律立法嘅表現，喺呢個社會，冇人需要服從某個主人，所有人喺法律之下都係平等，所有法律都係公民透過主權者進行自我立法，因此，服從變成義務、保障變成權利。
政治秩序冇辦法改變人天然嘅條件差距，但道德上同法律上嘅人人平等，就可以喺主權在民嘅政治秩序中實現。
#主權在民論tldr
