کوردانی ڕۆژهەڵات ئێوە شەرەفتان لێ دەبارێت . هەرچەن مێژووی شۆڕشەکان و کەڵەپیاوانی ڕۆژهەڵات و مێژووی پێشەواو کۆمارەکەی و مێژووی بارزانی م لەکۆمار خویندوە دەیانجار ، نەمزانیو تێ نەگەشتبووم ئێوە چ مرۆڤ گەلێکی پڕ لە شەهامەت و کەرامەتن . ئەم هەفتەیەیی ڕوداوی بومەلەرزەی ناوچەکانی ( سەرپیل زەهاو ) بەوێنە و ڤیدیۆکان ، هەڵوێستی کەڵەپیاو شێرە ژنەکانتانم ، بینی ، ئیتر تێ گەیشتم تێگەیشتم بۆچی پێشەوا کۆماری ڕاگەیاند ، تێگەیشتم بۆچی ملی خۆی خستە بەر پەتی سێدارە . تێگەیشتم بۆچی مام هەژاری موکریانی گوتویەتی " بەکوردی دەژیم بەکوردی دەمرم بەکوردی دەدەم ووڵامی قەبرم " تێگەیشتم بۆچی بارزانی پێشەوا ئەو ڕێڕەوە دورەی گرتە بەر لەپێناو پاراستنی ئاڵای کۆمارەکەمان . تێگەیشتم بۆچی سەرۆك مسعود بارزانی لەدایك بووی خاکە پیرۆزەکەتان بۆچی ڕیفراندۆمی بۆ سەربەخۆیی ئەنجامدا. کوڕانی ڕۆهەڵاتی نیشتمانە داگیر کراوەکەم ، بۆ خیانەتی ۱٦ ی ئۆکتۆبەر و کەوتنی کەرکوك و سەدا پەنجای خاکی باشور بریندار بووم بەڵام نەگریام ، بۆ ڕۆحیەتی مەردانە و کوردانەی ئیوەو بۆ زەهاوی بێ ناز گریام . دەبێت لە مڕۆ بەدواوە کوردانی هەرچوار پارچە وانە و دەرسی نەتەوایەتی لای ئیوە بخوینین ، دەبێت کۆمەلگەی نێو دەوڵەتی و هەرچی ڕیکخراوی بەناو خیرخواز و مافی مرۆڤ هەیە لەجیهان دا ، بێن لە ڕۆژهەڵاتی نیشتمانی داگیر کراوی ئێمە وانەو دەرسی مرۆڤ بوون بخوێنن ، دەبێت هەرچی خانەدان و شاپیاو و شاژنی نەتەوەکانی دونیا هەیە بێن لە ڕۆژهەڵات وانەی پیاوەتی و مەردایەتی لە ژنانی ئیوە و پیاوانی ئیوە فێربن . براو خوشك و هاونەتەوە و هاوزمان و هاونیشتمانیانی ڕۆژهەڵاتی نیشتمانی داگیر کراوم ، بەقەد داڵەهۆ و زاگرۆس و شیرین و قەندیل بەقەد کۆمارەکەی قازی و ڕیفراندۆمەکەی بارزانی شانازیتان پێوە دەکەم ، ئێوە باشترین ڕۆڵەکانی نەتەوەی کوردن . "بەهمەن کاک عەبدوڵا" 2.4K views ئەمیر سلێمانی , 18:19