Mandat kunin kutayotganlar. Balki bilmas umr oʻtganin Mol-dunyoni quvayotganlar. Sanayapti har bir lahzani Mandat kunin kutayotganlar. Oza-oza boʻlib ketdi choʻp Gʻamdan “roʻza tutayotganlar”. Har qadamda asabiy bir toʻp - Mandat kunin kutayotganlar. Kitobini oʻqimay qoʻydi Test-masala yechayotganlar. Endi faqat taqvim “oʻqiydi” Mandat kunin kutayotganlar. Ne qilarin oʻylaydi. Bilmas. Yotdir yoʻlda ketayotganlar, Koʻchaga ham chiqqisi kelmas Mandat kunin kutayotganlar. Yuz-u sakson toʻqqiz ball toʻplab Oʻzlaridan ketayotganlar - Yuridikka topshirgan koʻplab Mandat kunin kutayotganlar. Bari birdek - qirqqa, oʻttizga, Oʻn sakkizga oʻtayotganlar. Xudo sabr bersin-da sizga, Mandat kunin kutayotganlar. Kamoliddin Azzamov Barcha abituriyentlarga ulashing! Sahifamizga qoshiling https://t.me/joinchat/AAAAAEqdgz9bZOF2EA4iLg 434 viewsMr Hope, 14:39
