စစ်ကိုင်း ဆိပ်ခွန်မှာ သတ်ဖြတ်ထားတဲ့ ရုပ်သံ . စစ်ကိုင်း၊ ရွှေဘို၊ ဆိပ်ခွန် မြောက်ဘက် သီးလုံးရွာကနေ ဆိပ်ခွန်တောင်ဖက် ပလိုင်းရွာ အသွားလမ်းမပေါ်မှာ ဆိပ်ခွန်ရွာ မူးဘောင်ပေါ် ရဲစခန်းနားမှာ ဒေသခံ လူငယ် ၄ ဦး ပစ်သတ်ခံထားရတဲ့ ရုပ်သံတစ်ခုကို သတင်းရင်းမြစ်တစ်ဦးက ပေးပို့လာပါတယ်။ . ဒါ့အပြင် သတ်ဖြတ်ခံရသူတွေနဲ့အတူ ပြောင်းရှည် လက်လုပ်သေနတ် ၃ လက်နဲ့၊ ပြောင်းတိုတစ်လက်တို့လည်း တွေ့ရပါတယ်။ ဒီဖြစ်စဉ်ဟာ မနှစ်က (၂၀၂၁) ဇူလိုင် ၁၇ ညပိုင်းက ဖြစ်ခဲ့တာလို့ တွေ့ရပါတယ်။ သတင်းတွေအရ သတ်ဖြတ်ခံရသူတွေဟာ အသက် ၂၀ ကျော်အရွယ် ကိုဌေးလှိုင်ဝင်းနဲ့ ကိုအောင်ဟိန်းကျော်၊ ၃၀ ကျော်အရွယ် ကိုအောင်ပိုင်ထွေးနဲ့ ကိုသက်စိုးတို့လို့ သိရပါတယ်။ . ရွာထိပ်မှာ ကင်းစောင့်နေချိန် စစ်ကောင်စီ စစ်ကြောင်းနဲ့ ထိပ်တိုက်တိုးပြီး ထိတွေ့မှု ဖြစ်ရာကနေ သတ်ဖြတ်ခံရတာလို့ ယုံကြည်ရပါတယ်။ ရုပ်သံကို စစ်ကောင်စီ တပ်သားက ရိုက်ထားတယ်လို့ ယုံကြည်ရပြီး ရိုက်ထားသူက နောက်ခံပြောစကားထဲမှာ... . "သင်တန်းလေး နှစ်ပတ်သုံးပတ်လောက် တက်ပြီး အဟုတ်ကြီးထင်နေတယ်။ ဒီမှာ ဗိုလ်နေတိုးဆိုတာ ပါသေးတယ် သေနတ်မှာ။ ဒီကောင်နေမှာ ဗိုလ်နေတိုးက၊ ဒီကောင်လား ဟိုကောင်လား မသိဘူး" လို့ ပြောနေတာလည်း တွေ့ရပါတယ်။ . စစ်ကိုင်းက ဒေသခံ တော်လှန်ရေးအဖွဲ့တွေထဲမှာ ဗိုလ်နေတိုးဆိုတဲ့ နာမည်နဲ့ လှုပ်ရှားမှုတွေ လုပ်နေတာက ဗိုလ်နေတိုး ပြောက်ကျားအထူးဖွဲ့ ဆိုတာရှိပါတယ်။ ဒါပေမယ့် ဒီအဖွဲ့က မြင်းမူ၊ ချောင်းဦးနယ်ထဲ အဓိက လှုပ်ရှားတာဖြစ်ပြီး ယခုဖြစ်စဉ်ဖြစ်ခဲ့တဲ့ (ဆိပ်ခွန်) ရွှေဘိုနယ်ဘက်မှာ လှုပ်ရှားတာ မတွေ့ရပါ။ . “ယောက်ျားလေးချည်းပဲ၊ မိန်းကလေး တစ်ယောက်မှ မပါဘူး။ ငါတို့သွေးနဲ့ ခြေဆေးမယ်ဆိုတဲ့ကောင်တွေ ဟင်…၊ သူတောင်းစားတွေ။ အကုန်ဆိုးတယ် ဗိုလ်ကြီး" လို့ ပြောနေတာ တွေ့ရပါတယ်။ 42.4K views10:37
