တရက်ကို ၂ မိနစ် အချိန်ပေးရုံနဲ့ သိန်း တထောင် လှူနိုင်ပြီ ⎯⎯⎯⎯⎯⎯⎯⎯⎯⎯⎯❍ အသုံးအနှုန်းက မသိရင် ဖုန်းအသစ် ကြော်ငြာသလိုလို၊ ကံစမ်းမဲပဲ နှိုက်ရတော့မလိုလို။ တကယ်တော့ အင်တာနက်ကို တစ်ရက်မှာ ၂ မိနစ်လောက် သုံးရုံနဲ့ တော်လှန်ရေးအတွက် ထောက်ပံ့ငွေ ထည့်နိုင်တဲ့ အကြောင်းပါ။ ဂျီးဒေါ်ကြီး တစ်ယောက်က မေးသလို “မောင် မရတ်ရဲ့၊ မောင်ရင့်ဟာတွေက ဟုတ်ကော ဟုတ်ရဲ့လား” ဆိုရင် တကယ်ပါ။ တရက်ကို အနည်းဆုံး ၂ မိနစ် အချိန်ပေးရုံနဲ့ စုပေါင်းအားနဲ့ သိန်း တထောင် လှူနိုင်မှာပါ။ မတ် ၂၅ ကနေ ၃၁ ရက်နေ့ထိ သတ်မှတ်ထားတဲ့ အက်ပလီကေးရှင်းကို တပတ်တိတိ နေ့တိုင်း အနည်းဆုံး ၂ မိနစ် ဝင်ပေးဖို့တော့ လိုပါတယ်။ တစ်ပတ်ထက်ပိုပြီး ဆက် သုံးပေးနေရင်တော့ အတိုင်းထက်အလွန်ပါပဲ။ ဘာလုပ်ရမှာလဲဆိုရင် ‘ဂိမ်း အက်ပလီကေးရှင်း’ တစ်ခုကို Download ရယူပြီး ဖွင့်ထားဖို့ပါ။ “ဟယ် တို့က အသက်ကြီးပြီ၊ အဲ့ဒီ ဂိမ်း ဆိုတာတွေ မသိပေါင်” လို့ ပြောလာမယ်ဆိုရင်လည်း မပူပါနဲ့။ မဆော့ဘဲ ဂိမ်းကိုဖွင့်ထားပြီး တက်လာတဲ့ကြော်ငြာတွေကို အနည်းဆုံး ၂ မိနစ် ကြည့်ပေးရင်ကို ရပါပြီ။ “အက်ပလီကေးရှင်းကို Download တာတော့ ဟုတ်ပါပြီ၊ ဆက် မလုပ်တတ်တော့ဘူး” ဆိုသူတွေအတွက်လည်း ပူစရာ မရှိပါ။ Download ရယူ၊ အက်ပလီကေးရှင်းကို ဖွင့်လိုက်ပြီး ဗမာစကားနဲ့ ရှင်းရှင်းလင်းလင်း ပြောပြထားတဲ့အတိုင်း လိုက်လုပ်ရုံပါပဲ။ နေ့စဉ် အက်ပလီကေးရှင်းထဲ ဝင်ပြီး ဂိမ်းဆော့ချင်သူက ဆော့၊ မဆော့တတ်ရင်၊ မဆော့ချင်ရင် ကြော်ငြာထိုင်ကြည့်၊ တနေကုန်ထိုင်ပြီး တစိမ့်စိမ့်ကြည့်ဖို့ မဟုတ်ပါ။ အနည်းဆုံး ၂ မိနစ်ပါပဲ။ ဒီကနေ ငွေဘယ်လောက် ရနေသလဲဆိုတာကိုလည်း သိနိုင်မှာ ဖြစ်ပါတယ်။ ဒါကြောင့် ကိုယ်လုပ်နေတာကိုလည်း တရက်ချင်း အသီးအပွင့် မြင်နေရမှာပါ။ ဒီကရတဲ့ ငွေတွေကိုတော့ - စစ်ရှောင်ဒေသက ကလေးတွေကို ကူနေတဲ့ - ‘Clean Yangon’, နိုင်ငံရေးအကျဉ်းသားတွေကို ကူညီနေတဲ့ - ‘ထောင်ဝင်စာပို့ကြမယ်’ အဖွဲ့၊ CDM ဝန်ထမ်းတွေကို ထောက်ပံ့နေတဲ့ UTYCC အဖွဲ့တွေဆီကို ထောက်ပံ့မှာပဲ ဖြစ်ပါတယ်။ မတ် ၂၅ (ဒီနေ့) ကနေ ၃၁ ရက်နေ့ထိ လူတစ်ဦး တစ်ရက် ၂ မိနစ်ပဲ တစ်ပတ်တိတိ ဝင်ကြည့်ပေးရုံနဲ့ သိန်း တစ်ထောင် ထောက်ပို့လှူဒါန်းနိုင်မှာ ဖြစ်ပါတယ်။ ဝင်ကြည့်ရမယ့် အက်ပလီကေးရှင်းကို အောက်က Link မှာ Download ရယူနိုင်ပါတယ်။ https://gzentertainment.org/download 8.0K viewsedited 01:46
