Чорак финал ўйинига тайёргарлик бошланди
Хабарингиз бор, жамоамиз Ўзбекистон Coca Cola кубогининг чорак финалидан ўрин олган ўйинни ўз майдонида “Пахтакор” (Тошкент)га қарши ўтказади.
Мазкур финалдан олдинги финал баҳсига тайёргарликни “лочинлар” 30 августдан бошлашди.
Жамоамиз аъзолари кеча кечки пайтки машғулотни Самвел Бабаян бошчилигидаги мураббийлар штаби қўл остида “Марказий” ўйингоҳ захира майдонида ўтказишди.
Футболчилар машқларни аъло кайфият ва кўтаринки руҳда бажаришди.
Илоҳим, шундай кайфият вакилларимизга пойтахтликларга қарши кечадиган ўйиндан кейин ҳам ҳамроҳ бўлсин ҳамда жамоамиз ярим финал йўлланмасини қўлга киритсин!
Эслатиб ўтамиз, “Навбаҳор” - “Пахтакор” баҳси 2 сентябрь куни Намангандаги “Марказий” стадионида соат 20:00 да старт олади.
Машғулотларда футболчиларга куч-қувват, бўлажак ўйинда эса омад ёр бўлишини тилаб қоламиз.
“Навбаҳор” ПФК матбуот хизмати.
