Аёл киши пайпоқсиз намоз ўқиса бўладими ёки мумкинмасми? ЖА | 𝓜 𝓾 𝓷 𝓬 𝓱 𝓸 𝓰 '𝓲 𝓶 📿
Аёл киши пайпоқсиз намоз ўқиса бўладими ёки мумкинмасми?
ЖАВОБ: Бисмиллаҳир Роҳманир Роҳим.
Бу саволнинг жавоби аёл оёғининг тўпиғидан пастки қисми авратми ёки аврат эмасми, деган масалага боғлиқ.
Ҳанафий мазҳаби уламоларининг кўпчилиги далилларни ўрганиб чиқиб аёллар оёғининг тўпиғдан пасти аврат эмас, деган хулосага келганлар. Жумладан, бу масалани Имом Насафий ўзларининг “Канз ад-дақоиқ” китобида ва уни шарҳлаган Ибн Нужайм ва Зайлаъийлар, Имом Марғилоний ўзларининг “Ал-Ҳидоя” китобида, Имом Мавсилий “Ал-Ихтиёр” номли китобларида зикр қилишган.
Имом Абу Бакр ибн Али ал-Ҳаддодий “Ал-Жавҳара ан-наййира” китобида: “Саҳиҳ сўз – тўпиқдан пасти қараш ва ушлаш тўғрисида авратдир, намоз масаласида аврат эмас (яъни, номаҳрамни тўпиғидан пастини ушлаш ва шаҳват билан қараш жоиз эмас)”, деганлар.
Имом Қозихон эса: “Тўпиқдан пасти ҳақида икки хил ривоят бор. Тўғрироғи – тўпиқдан пастнинг тўртдан бири очилиши намозни бузади”, деганлар.
Хулоса қиладиган бўлсак, кўпчилик уламоларнинг сўзларига кўра аёл киши пайпоқсиз намоз ўқиши жоиз. Лекин ихтилофдан қочиш маъносида имкон борича пайпоқ билан ўқишлари эҳтиётроқдир. Валлоҳу аълам.
Ўзбекистон мусулмонлари идораси
Фатво ҳайъати.
Албатта яқинларингизга ҳам юборинг
➥Линкни босиб "НАМОЗ ВАҚТЛАРИ" каналига обуна бўлинг!
https://t.me/joinchat/9M77tm9gvy8wMDEy
https://t.me/joinchat/9M77tm9gvy8wMDEy
