(အပေါ်စာပိုဒ်မှ အဆက်) အ​နောက်အုပ်စုက​တော့ ​ဩစ​တေလျနဲ့ မိုင်တ | Myanmar Ebooks

(အပေါ်စာပိုဒ်မှ အဆက်)

အ​နောက်အုပ်စုက​တော့ ​ဩစ​တေလျနဲ့
မိုင်တစ်​ထောင်​လောက်ပဲ​ဝေးတဲ့ ​ဆော်လမွန်ကျွန်းမှာ တရုတ်က စစ်စခန်းလာ​ဆောက်​တော့မလိုလို သတင်း​တွေထွက်လာမှ ပြူးတူးပြဲတဲ အိပ်ရာကလန့်နိုးလာကြပြီး ဩစ​တေးလျ နိုင်ငံခြား​ရေးဝန်ကြီးက အဲဒီနိုင်ငံ​တွေဘက် ခရီးလှည့်တာ​တွေ့ရပါတယ်။

ဒါ​ပေမဲ့ သူတို့က အလာ​ကောင်း​ပေမဲ့ အခါ​နှောင်းသွားပါပြီ။

တရုတ်ဘက်က ​ရေရှည်စီမံကိန်းနဲ့ချဉ်းကပ်ထားတာမို့ ထဲထဲဝင်ဝင်ထိုး​ဖောက်ထားပြီဖြစ်ပါတယ်။ ချဉ်းကပ်ပုံနည်းလမ်းချင်းကလည်း ကွာပါတယ်။ ​

ဥပမာအားဖြင့် တောင်ပစိဖိတ်နိုင်ငံ​တွေမှာ မုန်တိုင်းဒဏ်​ကြောင့် သဘာဝ​ဘေးကြုံရတဲ့အခါ အ​နောက်နိုင်ငံ​တွေက သဘာဝ​ဘေးဒဏ်​နောက်ပိုင်း လူမှုကရုဏာအကူအညီ​လေး ပို့​ပေးတာနဲ့ပြီးသွားတာဖြစ်ပါတယ်။

တရုတ်က​တော့
မိုး​လေဝသ ကြိုတင်ခန့်မှန်း​ရေး စက်ပစ္စည်း​တွေ​ထောက်ပံ့တာ၊ မိုး​လေဝသပညာ​တော်သင်​တွေ ခေါ်ယူ​လေ့ကျင့်သင်ကြား​ပေးတာမျိုး​တွေ လုပ်​ဆောင်​ပေး​လေ့ရှိတယ်လို့ သု​တေသီ​တွေက ​ထောက်ပြပါတယ်။

ဘာဖြစ်ဖြစ် ​တောင်ပစိဖိတ် ​ရေပြင်မှာ တရုတ်​တွေခြေချလာတာဟာ စီးပွား​ရေးအရ တရုတ်ငါးဖမ်း​လှေ​တွေ တန်ဖိုးကြီးတူနာငါး အ​မြောက်အမြားဖမ်းဆီးနိုင်​စေလို့ အကျိုးရှိသလို စစ်​ရေးအရလည်း ဒီ​လှေ​တွေက အ​ဝေးကင်း​ထောက်အ​နေနဲ့ အ​နောက်အုပ်စု ​ရေတပ်လှုပ်ရှားမှု​တွေကို ကြိုသိ​အောင် ​ထောက်လှမ်းခွင့်ရသွား​စေမှာဖြစ်ပါတယ်။

ဩစ​တေလျဘက်က​တော့ တရုတ်နဲ့ဆက်ဆံ​ရေးတင်းမာတာဟာ စီးပွား​ရေးအရ ​ဝယ်လိုအားကြီးမားတဲ့ တရုတ်ရဲ့ ​ဈေးကွက်ကြီး ဆုံးရှုံးရမှုနဲ့ရင်ဆိုင်​နေရသလို ရေငုပ်သ​င်္ဘောကြီး​တွေအပါအဝင် ​စစ်​ရေယာဉ်​တွေ တည်​ဆောက်ဝယ်ယူရမှာ​ကြောင့် ကာကွယ်​ရေးအသုံးစရိတ်​တွေ မြင့်တက်လာမှာမို့ ကိုဗစ်​ကြောင့် ထိခိုက်​နေတဲ့စီးပွား​ရေးအ​ကျပ်အတည်းကာလမှာ အခွန်ထမ်းပြည်သူ​တွေအ​ပေါ် ဝန်ပိလာ​စေမှာလည်းဖြစ်ပါတယ်။

ဘာဖြစ်ဖြစ် အ​နောက်အုပ်စု စစ်လက်နက်
ကုမ္ပဏီကြီး​တွေက​တော့ အ​နောက်ဘက်မှာ
ယူကရိန်း​ကြောင့် လက်နက်​တွေ​ရောင်း​ကောင်းသလို အ​ရှေ့ဘက်မှာလည်း တိုင်ဝမ်၊ဂျပန်၊​တောင်ကိုရီးယား၊ ဩသ​တေလျတို့ကို လက်နက်​ရောင်းပြီး အဆင်​ပြေ​နေကြမှာဖြစ်​ကြောင်း သုံးသပ်ရပါတယ်။

ဦးကိုကိုလှိုင်