דער עולם איז נאך צושוידערט נאכן הארץ רייסענדע סצענע וואס איז פ | yiddish news @mh
דער עולם איז נאך צושוידערט נאכן הארץ רייסענדע סצענע וואס איז פארגעקומען דעם פארגאנגענעם פרייטאג ווי א זעקס יעריגע מיידעלע איז ליידער טראגיש אומגעקומען געווארן אין א שוידערליכע עקסידענט. ווער קען דען באשרייבן די שרעקליכע צער פון די חשובע עלטערן ווי זייער אויסגעבעטענע קינד איז אזוי יונג פארשניטן געווארן, נאר די באשעפער קען זיי טרייסטן.
מען שמועסט צווישן זיך וויאזוי מען קען דאס פארמיידן מיטן לייגן באס טיטשערס און נאך סעיפטי אויף די באסעס, ווי למשל א שטעקן זאל זיך עפענען ווען מען עפענט אויף די טיר ווי אויך מער סעיפטי מצד די באס דרייווערס/מענעדזשער. אויך זאל מען מער אנזאגן די קינדער נישט נאכלויפן קיין באס און וויאזוי צו קראסן פארנט פון באסעס.
די עקסידענט האט טאקע נישט פאסירט פון דרייוון ווילד,
לאמיר אבער אריינטראכטן פאר א מינוט וויפיל כמעט-עקסידענטן געשעהן יעדן טאג מיט אונזערע אייגענע קארן זייענדיג ביים רעדל?
צו איז עס אין קרית יואל, מאנסי אדער און די סיטי, וואס קען "איך" טוהן עס צו פארמיידן?
וויפיל מאל האב איך גערעדט אויפן פאון האלטנדיג די טעלעפאן אין מיין הענט? וויפיל מאל טעקסט איך בשעת'ן דרייוון? ווען האב איך דאס לעצטע מאל אריבער געלאזט א דורכגייער ביי א ביזי אינטעסעקשאן?
לאמיר זיך אלע פארנעמען כאטשיג מיט איין זאך צו דרייוון מער זיכערער און עס זאל זיין לעילו נשמת הילדה פראדל ע"ה בת ר' יעקב קאפיל נ"י!!
מיר גייען דא שרייבן עטליכע קבלות וואס מען קען זיך פארנעמען. עס איז נישט קיין עבירה צו טהון אלעס. סך הכל איז עס די סעיפטי פון אונז מיט אונזערע קינדער און שכינים.
נישט טעקסטן און זיכער נישט קוקן קליפס בשעת'ן דרייוון.
נאר רעדן אויף בלוטוט.
נישט אריבער פארן קיין באס ווען די באס סטאפט אפילו די געל לייט ארבעט נאך.
נישט אריינקאטן און קיין אנדערע קאר אנצוקומען פינף סעקונדעס שנעלער.
אריבער לאזן - ווען עס איז סעיף - דורכגייער ביי אינטעסעקשאן אדער קראסוואלקס.
מאכן אלע בלינקערס און זיך אפשטעלן ביי סטאפ סיינס.
נוצן די פייפער (אדער סיירינס) נאר ווען עס איז וויכטיג, נישט ווען איך בין נערוועז אויף די קאר פארנט פון מיר.
יעדער קען צולייגן נאך פלעצער ווי מען קען זיך פארבעסערן, און וואס מען נעמט זיך אלס פאר, לאמיר טהון די מינימום היתחייבות פון אונזער זייט, און מען זאל הערן נאר גוטע בשורות!!
@YiddisheMedia
פארשפרייט דאס אויף אלע גרופס, און לאמיר צוזאמען מאכן אונזערע גאסן מער זיכער.
