ပြင်သင့်နေပြီဖြစ်တဲ့ပြည်ခိုင်ဖြိုးပါတီဝင်များ ပြည်ခိုင်ဖြိုးပ | Online News Channel

ပြင်သင့်နေပြီဖြစ်တဲ့ပြည်ခိုင်ဖြိုးပါတီဝင်များ
ပြည်ခိုင်ဖြိုးပါတီဟာ အသင်းအဖြစ်စတင်ဖွဲ့စည်းလာကတည်းကစနစ်တကျနဲ့ပွဲထွက် လာခဲ့တာပါအဲ့ဒိတုန်းကလည်း လူငယ်ထုများစွာက တက်တက်ကြွကြွနဲ့ပါဝင်လှုပ်ရှားခဲ့တာကို လည်းမျက်မြင်ပါပဲဒါပေမဲ့ ပြည်ခိုင်ဖြိုးပါတီရဲ့အားသာချက်က တိုင်းပြည်နဲ့လူမျိုးနိုင်ငံအတွက် အကောင်း ဆုံးဆိုတာတွေကိုပဲလုပ်ခဲ့တာများတယ်၊ ကိုယ်ကိုလာတိုက်ခိုက်မဲ့အဖွဲ့အစည်း လူပုဂ္ဂိုလ်မျိုးနဲ့ အခြေအတင်တွေမရှိခဲ့ဘူး ပြောချင်တာက အတိုက်အခံမလုပ်ခဲ့ရဘူး သာသာယာယာပဲ အေးဆေးပဲ ပါတီလူကြီးများရဲ့ ဝိတ်နဲ့ပဲ အရာရာကိုလုပ်နိုင်စွမ်းနေခဲ့ တာ၊ ပါတီဝင်တစ်ဦးချင်းစီရဲ့ကြိုးစားအားထုတ်မှုလုံးလဆိုတာနည်းခဲ့တယ် အရှင်မွေးချင်းနေ့ ချင်းကြီးဆိုသလို နတ်ရေကန်ထဲပစ်ချခံရတဲ့ သူလိုမျိုးအရာရာအဆင်ပြေခဲ့တဲ့ရွှေခေတ်ကိုအ ကောင်းဆုံးနေခဲ့ရသူကများကြတယ်
ဒီလိုနဲ့ပါတီမှာအဖွဲ့တွေဘယ်လိုစကွဲလာလဲဆိုတော့ အဘနဲ့ပိုင်ပြီးချမ်းသာတယ်အခွင့် အရေးတွေရနေတဲ့ အဖွဲ့ကတစ်ဖွဲ့၊
အဲ့ဒီအဘနဲ့ပိုင်တဲ့အဖွဲ့နဲ့ထပ်သိပြီးအရိုးအရင်းလေးကိုက် နေရတဲ့အဖွဲ့ကတစ်ဖွဲ့ ၊ ဘယ်သူနဲ့မှမပိုင်ပဲအနစ်နာခံပြီးစိတ်ဓါတ်ကောင်းကောင်းနဲ့ရပ်တည် ပေးနေတဲ့အဖွဲ့ကတစ်ဖွဲ့ဆိုပြီး
ကွဲလာတယ် အဲ့တုံးကရွှေခေတ်ဆိုတော့အခွင့်အရေးကောင်း ကောင်းတွေရနေကြတော့ ဘာပြဿနာမှမဖြစ်ကြဘူး ဖြစ်လဲအနည်းအကျဉ်းလောက်ပဲငွေနဲ့ ဖြေရှင်းပြီးခဲ့ရတယ်
အခုပါတီကရွှေခေတ်ကနေ ကြေးတောင်မဟုတ်ဘူး ဒန်ခေတ်အထိကျဆင်းသွားတဲ့အ ခါအုပ်စုကွဲသွားတဲ့ ဘယ်သူနဲ့မှမပိုင်ပဲအနစ်နာခံပြီးစိတ်ဓါတ်ကောင်းကောင်းနဲ့လုပ်ပေးနေတဲ့ သူတွေကပဲပါတီကို ဆက်လက်ထိန်းထားတယ်၊ ပိုင်ရာဆိုင်ရာပါတီဝင်တွေက ဒန်ခေတ်ကို ရောက်တာနဲ့ပါတီနားမကပ်တော့ဘူး၊ ဒါပေမဲ့လုံးဝထွက်သွားရင်လဲမကောင်းတဲ့သူတွေကျ တော့ အိမ်ပြည့်လေးနေပြီးမလုပ်မရှုပ်မပြုတ်နဲ့ရသမျှယူတယ် အပေါ်ယံတွေပဲလုပ်တော့တယ် အကြမ်းဖက်သမားတွေအဓိကသတ်ဖြတ်ခဲ့တာ ပိုင်ရာဆိုင်ရာနဲ့ရွှေခေတ်မှဂွင်တည့်ခဲ့သူတွေ များတယ်၊ အချို့ကြတော့မနေတတ်မထိုင်တတ်နဲ့နေတယ်ကိုယ်ကိုယ်ကိုယုံကြည်မှုလွန်ကဲလို့ အသတ်ခံကြရတယ်၊ အချို့ကြတော့လဲကံတရားအရအသတ်ခံရတာပေါ့
ထားပါတော့ အခု ၂၀၂၂ နဲ့ ၂၀၂၃ မှာတော့ ပြည်ခိုင်ဖြိုးပါတီဝင်တွေစည်းလုံးဖို့အထူးကို လိုအပ်နေပါပြီ စိတ်ဝမ်းကွဲနေဖို့အချိန်မရှိတော့ပါဘူး ခုချိန်အခါမျိုးမှာ ကိုယ်ထက်သာမနာလို ကိုယ်မတတ်တာကိုမတတ်ကြောင်းဝန်ခံပြီးသင်ယူတာမျိုးတွေကိုလုပ်ရတော့မဲ့အနေအထား ကိုရောက်နေပါပြီ အရင်လိုမှိန်နေပြီးအပေါ်ယံဖောရှောလုပ်ရမဲ့အချိန်မဟုတ်တော့ဘူး
ပြည်သူတွေရဲ့ယုံကြည်မှုကိုယူဖို့ခဏထားဦးကိုယ့်ပါတီဝင်အချင်းချင်းကိုပဲပြန်စည်းရုံးဖို့လိုနေပါတယ် ငါကတိုင်းက သူကမြို့နယ်/ရပ်/ကျေးက မတူမတန်သလိုစိတ်ဓါတ်တွေကို ပြင်ပါတော့ ပါတီကလူကြီးတွေက တပ်မှာဗိုလ်မှူးအဆင့်အနည်းဆုံး ဗိုလ်ချုပ်ကြီးအဆင့်အ များဆုံးအထိတာဝန်ထမ်းဆောင်ခဲ့ဘူးလို့ အခြွေအရံတွေနဲ့နေတာကိုအားမကျပါနဲ့ သူတို့ကသူ တို့ဘဝပေးအတိုင်းနေတာပါ၊ ကိုယ်ကပါတီဝင်ပဲပြည်သူကိုကိုယ်စားပြုရမှာပါ
နိုင်ငံရေးလုပ်တာပြည်သူအတွက်ပါ အစိုးရအဖွဲ့ထဲပဲရောက်ရောက်လွတ်တော်ထဲပဲ ရောက်ရောက် ပြည်သူ့အတွက်ပဲလုပ်ရမှာပါ ဒါကြောင့် ပါတီဝင်အချင်းချင်းအဆင့်အတန်းမ ခွဲခြားပဲ စည်းလုံးမှုရရှိအောင်လုပ်ဖို့လိုပါတယ်
နေရာရချင်ရင်ငွေဘယ်လောက်ပေး ထောက်ပံ့ကြေးရရင်ငါကိုခွဲတမ်းပေးမပေးရင်ဘာ ဖြစ်မယ်ညာဖြစ်မယ်စသဖြင့်ကိစ္စတွေမရှိသင့်တော့ဘူး ပါတီဟာပါတီလိုပဲလုပ်သင့်ပါတယ် ဝန်ကြီးဌာနလဲမဟုတ်ဘူး လူမူအဖွဲ့လည်းမဟုတ်ဘူး ပါတီကိုပါတီလိုပဲသတ်မှတ်ပြီးပြည်သူ တွေရဲ့အားကိုရအောင်လုပ်သင့်ပါပြီ ကိုယ့်ပါတီဝင်အချင်းချင်းလည်းစည်းရုံးထားဖို့လိုပြီဖြစ် ကြောင်း အကြံပြုတင်ပြလိုပါတယ်။

#ပြည်သူတစ်ဦး