ရန်ကုန်တိုင်းဝန်ကြီးချုပ်နှင့် ရန်ကုန်တိုင်းစစ်ဌာနချုပ်တိုင်းမ | Online News Channel

ရန်ကုန်တိုင်းဝန်ကြီးချုပ်နှင့် ရန်ကုန်တိုင်းစစ်ဌာနချုပ်တိုင်းမှူးတို့သိစေချင်ပါသည်
=============================
ရန်ကုန်တိုင်းဒေသကြီး၊ မင်္ဂလာဒုံမြို့နယ်တွင် ရပ်ကွက်(၃၂)ကွက်ရှိပါတယ်၊ အဲ့ဒီ(၃၂)ရပ်ကွပ်မှာ နစက အစိုးရတက်လာပြီး ပြည်ခိုင်ဖြိုးပါတီဝင်တွေနဲ့အမျိုးသားရေးအဖွဲ့ကို ရပ်ကွက်အုပ်ချုပ်ရေးခန့်အပ်ဖို့နစကအစိုးရ ရန်ကုန်တိုင်းဒေသကြီးအစိုးရထံသို့တင်ပြခဲ့ပါတယ်။

သို့သော်လည်း ရပ်ကွက်(၇)ခုကိုသာပြည်ခိုင်ဖြိုးပါတီဝင် နဲ့ အမျိုးသားရေးအဖွဲ့တွေကိုအုပ်ချုပ်ရေးမှူးခန့်နိုင်ခဲ့ပြီး ကျန်ရပ်ကွက်(၂၆)ခုကိုတော့ယခင်NLD အစိုးရခေတ် ၎င်းတို့ထောက်ခံသူအမာခံတွေကိုပဲ ပြန်ခန့် ထားခဲ့တာတွေ့ရပါတယ်၊ ဒါမင်္ဂလာဒုံမြို့နယ်တစ်ခုပဲရှိပါသေးသည်။

ကျန်မြို့နယ်တွေအများကြီးရှိနေပါ သေးတယ်၊မင်္ဂလာဒုံမြို့နယ်မှာခန့်ထားခဲ့တဲ့ပြည်ခိုင်ဖြိုးနဲ့အမျိုးသားရေး(တပ်မတော်ထောက်ခံသူ) အဖွဲ့တွေ ကိုခန့်ထားတဲ့(၇)ရပ်ကွက်လုံးရဲ့အုပ်ချုပ်ရေးမှူးတွေကို PDF အကြမ်းဖက်သမားတွေလုပ်ကြံခဲ့ကြ တယ်သေတဲ့သူသေတယ်ဒဏ်ရာရတဲ့သူကရကြတယ်၊ဒါပေမဲ့ NLD အစိုးရခေတ်ကတည်းက၎င်းတို့ ထောက်ခံသူအမာခံတွေကိုပဲဆက်လက်ခန့်ထားခဲ့တဲ့(၂၆)ရပ်ကွက်က အုပ်ချုပ်ရေးမှူးတွေကိုတော့လက်ဖျားနဲ့တောင်မထိခဲ့ဘူးအေးချမ်းနေတယ် အဆင်ပြေနေတယ်။

ရန်ကုန်တိုင်းဒေသကြီးမြို့နယ်တွေမှာရှိတဲ့ ရပ်ကွက်တွေမှာအကြမ်းဖက်မှု တွေမကောင်းမှု လုပ်ငန်းတွေ မလုပ်နိုင်အောင် နစကကို ထောက်ခံအားပေးတဲ့ ပြည်ခိုင်ဖြိုးပါတီဝင်နဲ့အမျိုးသားရေး (တပ်ထောက်ခံသူ)တွေကို ခန့်ပေးဖို့အမည်စာရင်းတွေပေးပို့တင်ပြခဲ့သော်လည်း ရန်ကုန်တိုင်းအစိုးရမှ အားလုံးကိုခန့်အပ်ပေးခဲ့ခြင်းမရှိပဲအချို့ကိုသာခန့်အပ်ပေးခဲ့ပါတယ်။

အချို့မြို့နယ်တွေမှာဆိုရင်မြို့နယ်ထွေအုပ်ရုံးအဖွဲ့၊ အုပ်ချုပ်ရေးမှူးနှင့် နစကမှတွဲဖက်ပေးထားတဲ့ ဗိုလ်မှူးတွေကို NLD ပါတီထောက်ခံသူ အမာခံသူဌေးတွေက ၎င်းတို့စိတ်တိုင်းကြ ချယ်လှဲလို့ရနိုင်မဲ့ NLD ထောက်ခံသူအမာခံတွေကိုပဲ ရပ်ကွက်အုပ်ချုပ်ရေးမှူးနေရာပြန်ထားဖို့ငွေပေးပြီး ပြန်လည်ခန့်ထားပေးခဲ့ကြတယ်။

ထို့အတွက်ကြောင့် အခု ရန်ကုန်တိုင်းရဲ့မြို့နယ်များအတွင်း ရပ်ကွက်တော်တော်များများတွင် NLD ပါတီကို ထောက်ခံတဲ့ အမာခံတွေကိုပဲ ရပ်ကွက်အုပ်ချုပ်ရေးမှူးတွေ ပြန်ခန့်ထားတဲ့အတွက် PDF အကြမ်းဖက်သမားတွေအေးအေးဆေးဆေးနဲ့ ပုန်းအောင်နေထိုင်နိုင်ခဲ့ပြီး အကြမ်းဖက် လူသတ်မှုများကို ကောင်းကောင်း လုပ်နိုင်နေတာပါ။

အကြမ်းဖက် PDF များနဲ့ NLD အစွန်းရောက်တွေရဲ့ အကြမ်းဖက်မှုမကောင်းမှုလုပ်ရပ်တွေကိုကောင်းကောင်းလုပ်နိုင်အောင်ဖမ်းလို့မမိအောင် NLDပါတီ
ကိုထောက်ခံတဲ့အမာခံရပ်ကွက်အုပ်ချုပ်ရေးမှူးတွေကကာကွယ်ထားပါတယ်။

အဲ့တော့သူတို့ NLD ပါတီဝင်အမာခံထောက်ခံသူမဟုတ်တဲ့ ရပ်ကွက်အုပ်ချုပ်ရေးမှူးတွေကို အုပ်ချုပ်ရေးမှူးမလုပ်ရဲအောင် အကြမ်းဖက်သတ်ဖြတ်ပြနေကြပါတယ်။

ပိုဆိုးတာက စစ်တပ်လခရအဖွဲ့တွေက ရပ်ကွက်တွေကိုလည်း ဧည့်စာရင်းမစစ်ဘူး၊ ဖြစ်စဉ်ဖြစ်မှ သာပိတ်ဆို့ဖမ်းဆီးစစ်ဆေးတာကိုလုပ်တယ်၊ ဒါကြောင့် PDF အကြမ်းဖက်တွေဟာ သက်ဆိုင်ရာ ရပ်ကွက်တွေမှာ ၎င်းတို့ NLD ပါတီဝင် ရပ်ကွက်အုပ်ချုပ်ရေးမှူးတွေရဲ့ကာကွယ်မှုအောက်မှာ အေး အေးဆေးဆေးပဲနေထိုင်နိုင်ခဲ့ကြပါတယ်။

မြို့နယ်ထွေအုပ်အဖွဲ့နဲ့မြို့နယ်ရဲတပ်ဖွဲ့တော်တော်များများကလည်း ယခင် NLD ပါတီကိုထောက်ခံ အားပေးသည့်အမာခံများနဲ့ တစ်ဖွဲ့တည်းဖြစ်နေတော့ အကြမ်းဖက် PDF များသတင်းကို သိနေတဲ့ပြည်သူတွေက ရဲကိုသတင်းပေးတယ်၊ အဲ့ဒီရဲက အကြမ်းဖက် PDFတွေကိုပြန်ပြောတယ်၊ အဲ့တော့သတင်းပေးတဲ့ ပြည်သူက မိသားစုလိုက်အသတ်ခံရတာတွေ၊ ထွက်ပြေးရတာတွေခြိမ်း ခြောက်ခံရတာတွေနဲ့ဒုက္ခမျိုးစုံကိုခံနေရတော့ ကြောက်ပြီးရဲကိုသတင်းပေးတာတွေ၊တိုင်ချက်ဖွင့်တာတွေကိုမလုပ်ရဲကြတော့ပဲ ပြည်သူတွေဟာ ဘာသတင်းပဲသိသိ မိသားစုအန္တရာယ်အတွက်စိုးရိမ်ပြီး ဘာမှမပြောရဲတော့ဘူး၊ဒီလိုနဲ့နှုတ်ဆိတ်ပြီးနေခဲ့ရတာ တစ်နှစ်ပြည့်ခဲ့ပါပြီ၊စစ်တပ်ကသိလို့ဖမ်းတော့လည်း ရဲကိုပဲပြန်အပ်တာကြောင့် ရပ်ကွက်အတွင်းနေထိုင်တဲ့ NLD အမာခံ (မကောင်းတာမှန်သမျှ လုပ်နေတဲ့) သူဌေးတွေ ရပ်ကွက်အုပ်ချုပ်ရေးမှူးတွေက ငွေပေးပြီးအဖမ်းခံရသူတွေကိုပြန်ထုတ်ပေးကြတယ်၊

ဒီလိုနဲ့ပဲ ရပ်ကွက်တွေမှာ ခုချိန်ထိ NLD ထောက်ခံသူအမာခံတွေနဲ့ အကြမ်းဖက်သမား PDF တွေဟာကြီးစိုးမင်းမူနေကြတာပါ၊ရပ်ကွက်ရှိအေးချမ်းစွာနေလိုသည့် ပြည်သူများအနေဖြင့် ၎င်းကိစ္စတို့အား သိနေပေမဲ့လည်း ဘယ်သူကိုမှမပြောရဲပဲ ကိုယ့်မိသားစုအန္တရာယ်ဖြစ်မှာစိုးရိမ်၍ ကြိတ်မှိတ်နေခဲ့ရပါတယ်။

ဒီလိုနဲ့ပဲ အကြမ်းဖက်သမား PDF တွေဟာ အခွင့်သာရင်သာသလိုလုပ်ကြံသတ်ဖြတ်မှုတွေ လုပ်ဆောင်နေတာ ယခုချိန်အထိပဲဖြစ်ပါတယ်။

ဒီလိုနဲ့ပဲ PDF အကြမ်းဖက်သမားတွေဟာလုပ်ချင် တိုင်းလုပ်နေကြတော့တာပါ၊ဒါကြောင့် ရန်ကုန်မြို့အတွင်းဖြစ်နေတဲ့အကြမ်း ဖက်လူသတ်မိုင်းခွဲတဲ့ ကိစ္စတွေကို အမြန်ဆုံးရှင်းလင်းလိုပါက ရပ်ကွက်အုပ်ချုပ်ရေးမှူးတွေကိုသေချာပြန်လည်စီစစ်ပေး ဖို့လိုအပ်ပါတယ်၊ မြို့နယ်အုပ်ချုပ်ရေးမှူးရုံးရှိဝန်ထမ်းတွေကိုလည်း ပြန်လည်စီစစ်သင့်ပါတယ်၊ မြို့နယ်ရဲတပ်ဖွဲ့ဝင်တွေ (အထူးသဖြင့် နယ်ထိန်းရဲတွေ)ကိုလည်းပြန်လည်စီစစ်သင့်ပါတယ်။