#الهواء_صوتًا #عطل_المحولة الصوت (the sound) واحد من أعظم | نور العشق الإلهـي💛🍂.
#الهواء_صوتًا #عطل_المحولة
الصوت (the sound) واحد من أعظم مظاهر عظمة الله تعالى ، وتجلي كبير للإسم (الناطق) ، شنو هذا الي نسمعه : رجيف الرعد ، وعزف المطر ، حفيف الشجر ، وعيافة الطيور ، وحسيس النار ، وصهيل الخيل ، وثغاء الشاة ، ودمدمة الطبل ، وبكاء الطفل ، وحشرجة الصدر ، وقهقهة الضاحك ، وشخير النائم ، وأنين المشتاق ، ونبض القلب و صوت #المولدات - هذه الايام - [ ولم يضع علماءُ اللغة العربية إسمًا خاصًا لـ صوت مولدة الشارع ، وصوت مولدة البيت ] وهذا الصوت من أنواع الرحمة هذه الأيام خصوصًا مع انقطاع الكهرباء المتكرر ...
خلينا بس وي صوت الإنسان - شنو هالسر الرباني - الي الله تعالى مخليه بـ #الهواء بحيث يطلع من الرئتين بالزفير مثلا ويمر على القصبة الهوائية وهو طالع يمر بالحنجرة فشيسوي ، يهز الحبال الصوتية ، وهنا من يهزها تگوم الحنجرة بحبسه ، اي تحبسه - لأن ثمين - وتگوم تطلع منه دفعات نحو البلعوم ، كل دفعة هي بداية موجة صوتية جديدة ، من ينتقل من البلعوم للفم يتحول يصير #صوت ! ومن يوصل للمخارج تكوم تحوله الى حروف ...
هذا الي حوَّل الهواء إلى صوت ما يحوِّل نور القلب إلى حكمة !!!
وانا ادور على بيوت الجيران قائلًا : [ انتو هم طافية الكهرباء عدكم لو بس احنه ؟! ، لا شيخنا : الكهرباء الوطني بيت وبيت - من كان طافيا معنا فهو منَّا ، ومن لديه كهرباء يصدق عليه بيتٌ رواه الأصمعي :
هنيئًا لأرباب النعيم نعيمهم ولـ [لطافي] المسكين ما يتجرعُ
النفس هم بيت وبيت ، حال وحال ، اقبال وادبار وووو
يا أخي تعال فكر وياي شلون الهواء صار صوت ، والصوت العشوائي شلون گدر اللسان يطلع منه [ ق ، ك ، ج ، ى ، ش ، ن ، ر ، ت ، د ، .... ] ، والجوف ينتج [ ا ، و ... ] والحلق يصنع [ هـ ، ع ، ح ، غ ، خ ، ف ... ] .
اهتزت الاوتار طلِّعت الصوت ، اذا يهتز القلب يطلع الحب ، اذا يهتز العقل يطلع الابداع الفكري ، اذا تهتز النفس تذب ملكاتها السيئة وووو
هذا وقد ذهبتُ مع الجيران إلى دائرة الكهرباء فاستقبلونا بصدر رحب وبأخلاقٍ عالية وتبين وجود خلل في المحولة وسيتم اصلاحه الآن - شكر الله تعالى سعيهم ، واعانهم على عطل المحولات -
الإحتكاك يولد الاصوات الخارجية ، مو بس الاصوات ، اذا تحتك بصديق صالح هم يخليك صوت لله تعالى ، اذا تحتك ركبتك بمصلايتك الله يخليك صوت عند أهل الملكوت ، واذا تلزم بريك يطلع صوت ، [ الزم بريك من شكو واحد يرغبك بالمعصية ] وصوت الإعجاب بالفيس متغير ، حتى بعض الضمائر تغيرت ، مرات اصدقاء تتغير عادي [ التغير سُنَّة كونيَّة ] چا تريدها دوم
