Ўзбекистон Либерал демоктарик партияси ҳамда Ёшлар парламенти | OROL24.UZ | Rasmiy kanali|Uyda qoling!

Ўзбекистон Либерал демоктарик партияси ҳамда Ёшлар парламенти номидан Қорақалпоғистон Республикаси ёшларига табрик!

Ёшлар фаоллигини ошириш мамлакатимизнинг тараққиётининг муҳим омилидир. Ўзбекистон аҳолисининг салмоқли қисми ёшлардан иборат бўлиб, улар мамлакатнинг буюк келажагини таъминлашнинг кафолати сифатида хизмат қилади. Ўзбекистоннинг улкан салоҳияти бугунги кунда ҳал қилувчи куч бўлиб ижтимоий ҳаётга кираётган, замонавий билим ва касб-ҳунар сирларини пухта эгаллаган, навқирон ёшлар тимсолида яққол намоён бўлмоқда. Мамлакатимизнинг эртанги куни, жамиятда ўзгаришларга сабаб бўладиган, бунёдкорлик ғояларини ҳаётга татбиқ этувчи муҳим куч, маънавий салоҳиятли ресурс ҳисобланган ёшларни маънавий ва ижтимоий жиҳатдан қўллаб-қувватлаш, жамиятда муносиб ўрин эгаллашларига қулай шарт-шароит яратиш орқали уларни юрт тақдири ва келажагини ҳал қилувчи катта кучга айлантириш ҳар биримизнинг муҳим вазифаларимиздир.
Ўзбекистон Республикаси Президенти Ш.Мирзиёев таъкидланидек, “Биз ёшларга доир давлат сиёсатини ҳеч оғишмасдан, қатъият билан давом эттирамиз. Нафақат давом эттирамиз, балки бу сиёсатни энг устувор вазифамиз сифатида бугун замон талаб қилаётган юксак даражага кўтарамиз. Ёшларимизнинг мустақил фикрлайдиган, юксак интеллектуал ва маънавий салоҳиятга эга бўлиб, дунё миқёсида ўз тенгдошларига ҳеч қайси соҳада бўш келмайдиган инсонлар бўлиб камол топиши, бахтли бўлиши учун давлатимиз ва жамиятимизнинг бор куч ва имкониятларини сафарбар этамиз.
Қорақалпоқлик ёшларни бугунги "Ёшлар куни" муносабати билан чин қалбимдан муборакбод этаман ҳамда уларга Президентимиз ишончини оқлаш йўлида куч-ғайрат тилайман!

Халқ депутатлари Беруний тумани Кенгашидаги ЎзЛиДеП депутатлик гуруҳи билан ишлаш бўйича ижрочи котиби, Олий Мажлис Қонунчилик палатаси депутати ёрдамчиси, Олий Мажлис Қонунчилик палатаси ҳузуридаги "Ёшлар парламенти" аъзоси Жаббаров Умрбек Ражапбаевич