في ظل الظروف الحالية و الضغوطات ما ينفع يكون في حياتك أشخاص بي | Un monde différent💛✨
في ظل الظروف الحالية و الضغوطات ما ينفع يكون في حياتك أشخاص بيضغطوا عليك بأي شكل من الأشكال، كون حريص على أنك تكون مُحاط بـ ناس "Flexible" مرنة جدًا في تعامُلها، ناس بتلتمس ليك ألف عُذر، ناس أنت ما محتاج تبرر كل تصرفاتك ليهم عشان تتجنب سوء ظنهم وتدخل في جدال يهد حيلك أكتر ما هو مهدود.
في جملة بتقول : "If you’re struggling and your people are just sitting there watching you struggle, they’re not your people". "لو أنت بتعاني و أنت وسط ناسك و هم قاعدين بتفرجوا عليك بتعاني ، ديل مُش ناسك". فما بالك إذا كانوا هُم سبب المعاناة ؟! Avoiding toxic people from your circle it s your responsibility.
ليه مهم يكون موجود في حياتك دائرة صحيه ؟! لأنو في ظل الـ ups and downs وجود الدائرة الصحية "ناس بتحبك" بخليك قادر تكون زي ما أنت و على طبيعتك بكل تقلباتك لأن الإنسان متقلب بـ تقلبات و تغيرات الحياة - يوم تلقانا حلوين، يوم تلقانا مش قادرين، يوم نحب الدُنيا، ويوم عايزين نختفي و ما نتكلم مع أي إنسان - هو ده الإنسان بكل بساطه. فـ وجودك وسط الدائرة الصحيه إذا ما ساعدك في أنك تعدي التقلبات دي فما ح يكون هو مصدر ثاني للضغط، وبالتالي ح تعرف تـ Move forward أسرع وأقوي.
"وجودك وسط أي دائرة ليه تأثير عليك بطريقة ما - فإختار التأثير اللي أنت عايزه".
المشكلة الحقيقية في أنك مش عارف تبعد أو حتى تعيد هيكلة علاقاتك بسبب إحتياج عاطفي أو إحتياج بالإنتماء مش مليان صح و ده ح يخليك تقع في مشكلة أكبر و هي - أنك تشوف الأذى ممتع لأنو ح يملأ ليك الفراغ و الإحتياج.
دي أكثر علاقة مؤذيه ممكن تمر بيها و محتاج إرادة و وعي بنفسك و تعرف قيمتك الحقيقية لأن عدم تقديرك لذاتك ممكن يخليك تقبل بوجودك في علاقات سيئة.
كُلنا عدينا بالنوع ده من العلاقات سواء مع الأصحاب أو الأهل أو الشركاء العاطفيين بس الشاطر اللي يعرف ينتشل نفسه و يختار علاقاته صح و يضع نهايه لكل علاقه مؤذيه - لأن العلاقات بتحدد و بتأثر على جودة الحياة اللي ح تعيشها.
للأسف معظم الأسر ليها دور كبير بطريقة غير مباشرة لأن علاقتنا مع أهالينا بتشكل طبيعه علاقاتنا مع كل الناس في المستقبل. التعافي من علاقاتنا الأوليه تصبح ضروره لكي نعرف ونختبر علاقات صحيه مع الآخرين.
"بقول الكلام ده من خلال جلسات كتيره جدًا عملتها مع عدد من الأشخاص و لاحظت تأثير الدائرة اللي حولهم عليهم".
