2022-06-11 19:50:03
في اللينك الموجود اسفل
مجموعة دراسات معمولة لحالات اطفال الشلل الدماغي بتقييم وظائف المشي بعد استخدام المشاية treadmill و تأثيرها على سرعة المشي و التوازن اثناء المشي و طول الخطوة و توقيت الوقوف على قدم واحدة اثناء المشي
و كانت النتائج ايجابية لصالح استخدامها في بعض الوظايف الحركية
بنصح بقراءة المقال بالكامل للاستفادة من جودة الدليل العلمي لاستخدام المشاية لحالات الاطفال خاصة الشلل الدماغي لزملائي المهتمين بمجال تأهيل الاطفال
بالنسبة لزأي الشخصي في استخدام المشاية ال treadmill
انها وسيلة مهمة و اساسية و عليها دليل علمي قوي و دراسات اكاديمية في انها بتساهم في تحسن وظائف المشي و انماطه و ليها دور كبير مش بس في تطور المشي و مهاراته لا تطور العظام و العضلات و المفاصل في الاطفال
لكن لازم تستخدم بشكل مناسب و لكل حالة طفل غير التانية في الاستخدام عشان منوصلش لنتيجة عكسية و الطفل يتغلم يمشي بنمط خاطىء يضر تطوره الحركي
كذلك لازم نختار نوع مشاية مناسب للاطفال
اهمية اختيار نوع المشاية للاطفال مهم جدا
لانه مش مجرد جهاز عادي الطفل بيمشي عليه
لا لازم تتحق فيه شروط تساعد اغلب حالات الاطفال انها تمشي عليه و تقدر انها تمشي بشكل اقرب للطبيعي
و كذلك نساعد الطفل في تطور مهارات المشي و الارتقاء بيها
و عشان نحقق كل ده لازم تكون المشاية اللي بيستخدمها الطفل فيها الامكانيات دي
اولا تكون سرعتها بطيئة و مناسبة عشان الطفل يقدر يتحرك عليها بشكل مناسب و ميخافش منها و يقع
ثانيا تكون المشاية كومبكت و سهلة الحركة و النقل و ده بيتيح للدكتور انه ممكن يوصلها بنظام تعليق suspensions لو الطفل عنده مشكلة في تحميل وزن جسمه على قدميه
زي مثلا طفل على مقياس رقم ٤ gmf lvl 4 و ميقدرش يمشي اعتماداً على نفسه او بوسيلة مساعدة
حتى الاوبشن ده بيتيح للطبيب المعالج انه يعدل و بخلي الطفل يعتمد على ذراعيه و يسند او ميعتمدش عليهم على حسب المرحلة اللي الطفل واقف عندها
و نقدر نساعد الطفل يمشي عليها مهما كانت نسبة الاصابة في الوظايف الحركية
اللينك الكامل
https://www.ncbi.nlm.nih.gov/pmc/articles/PMC7056486/
د/ محمد عاطف السيد ابو فراج
اخصائي العلاج الطبيعي لامراض الاطفال و جراحتها
#تأهيل_الاطفال
#العلاج_الطبيعي_للاطفال
#دكتور_محمد_عاطف_السيد_ابوفراج
121 views16:50