2021-07-02 11:53:59
الميزة اسمها (Apple Music Spatial Audio)
زين شنو هاي التقنية؟ وليش حتغير الموسيقى للابد حسب ما صرحت شركة آبل؟
هاي الميزة حتنطيك تجربة فريدة من نوعها وهي انو تخليك تسمع الموسيقى بميزة 3D يعني وكأنه الصوت ديجي من حولك او كأنه انت بالاستوديو ودتجيك صوت الموسيقى من محيطك
راح تلاحظ ادق وابسط الايقاعات الي تكون موجودة بالاغنية
طبعا هاي الميزة بفضل دعم تقنية (Dolby Atoms)
الميزة جديدة مطروحه صارلها ٣ اسابيع تقريبا وابل خلت قوائم لأغاني تدعم هاي التقنية يعني مو كل الاغاني حتدعمها حاليا بس اكيد حتبدي تضيف اغاني شوية شوية للسته الي تدعم هاي الميزة
ابل ما اكتفت بهاي الميزة فقط
لا طرحت ميزة اخرى انو 75 الف اغنية راح تدعم جودة (Lossless) او ميزة (Alac)
هاي الجودة حتخليك تسمع الاغاني بالجودة الي يستخدموها منتجي الاغاني نفسهم!!
يعني حتسمع الاغنية بوضوح لا مثيل له بفضل هاي الميزة كل ايقاع واهتزاز حتسمع بوضوح لا يضاهيه شي
بس اكيد هالميزة حتجي على حساب حجم الاغاني
يعني تخيلو ممكن تسمع اغنية بصيغة Alac
اذا كان طول الاغنية 3 دقائق فقط
راح تلاحظ حجم الاغنية بحدود 125mb
بس اكيد لازم تجربها لان حتكرهك بالجودات التعبانة الموجودة بباقي المنصات mp3
397 viewsedited 08:53