#barqarorlik_reytingi
Tadbirkorlarning barqarorlik reytingi qanday ishlaydi? O‘zbekistonda
2024-yil 1-fevraldan tadbirkorlar reytingi joriy etildi.
Yuqori reytingga ega tadbirkorlar rag‘batlantiriladi. Bunda
reytingi past korxonalarga nisbatan jazo choralari qo‘llash nazarda tutilmagan. Agar tadbirkor “AAA” toifadagi reytingga ega bo‘lsa:
soliq organlari tomonidan tekshirishlar o‘tkazilmaydi;
QQSdan hosil bo‘lgan soliq summasi bir kunda qaytariladi
(amaldagi muddat 7 kundan 30 kungacha); QQSdan boshqa soliq turlari bo‘yicha hosil bo‘lgan ortiqcha soliqlar summalarini 3 kunda qaytarib berish
(amalda 10 kundan 15 kungacha) yuzasidan qo‘shimcha preferensiyalar beriladi.
Yana bir
rag‘batlantirish – soliq va bojxona organlarida tovarlarni import qilish vaqtida to‘langan soliqlarni hisobga olish tizimi joriy qilinadi.
Avval bu faqat yirik soliq to‘lovchilar hamda
20 ming tadbirkor — 500 ming malakali mutaxassis dasturi doirasida sertifikat olgan korxonalar uchun amal qilar edi.
Endi reytingi yuqori bo‘lgan tadbirkorlik subyektlariga ham mazkur tartib tatbiq etiladi.
Reytingning asosiy maqsadi – tadbirkorlarni ixtiyoriy ravishda qonunchilikda belgilangan me’yorlar bo‘yicha majburiyatlarni o‘z vaqtida bajarishiga undashdir.
Тelegram |Facebook |Youtube| Instagram |X| Threads
