2021-05-15 10:04:02
Исроил ҳақида эмас, биз ҳақимизда
Сўнгги кунларда Яқин шарқда бўлаётган воқеалар барчани жунбушга келтирмоқда. Ижтимоий тармоқларда бақир чақир ва дуо қилишдан бошқа нарса қўлимиздан келмайди. Мени ёмон кўрсангиз ҳам бу - ҳақиқат.
Бу энди рўй бераётган нарса эмас, ёшим 31 да ва мен бундай еврей-араб тўқнашувларини юзлаб ҳабарларини кўрганман, ўқиганман. Бундан олдинги юзлаб Исроил-Фаластин тўқнашувларини унутгандай унутамиз буниям. Қобилжон Каримбеков давридан бери бор ХАМАС ва Исроилдаги ўнгчи партия Ликуд ўртасидаги бахслар. Ушбу тўполонлар ортидан ҳатто қачонлардир
Ицхак Рабин ва
Ёсир Арофатлар тинчлик бўйича Нобель мукофотини ҳам олишган. Аммо бу уруш тугамаган. Тугамайди ҳам. Чунки тинчлик иккала тарафга ҳам керакмас. Тинчликка эришса улар гўё яшашдан мақсадини йўқотиб қўядилар.
Масалан, тинчлик келишувига эришган Исроил Бош вазири Ицхак Рабинни ортодоксал еврей террорист отиб ўлдирган митингларнинг бирида, худдики Осло келишувлари орқали у Исроилни сотган. Аслида тинчлик истаганди у...
Ундан анча олдин эса
Менахем Бегин билан Миср-Исроил тинчлик шартномасини (Кэмп Дэвид битимлари) имзолаган Миср президенти
Анвар Садатни ҳам ўзиникилар отиб ўлдиришган. Булар учун тинчлик яшашдан тўхташ деганидир...
Исроилнинг "Темир гумбаз" деб номланган ҳаво мудофа тизимини кўриб (юзлаб ХАМАС ракеталарини ҳаводаёқ йўқ қиляпти) ўйланиб қолдим, жуда кўп прогресс ва кашфиётларга урушлар ҳам сабабчи бўлган, мусулмон ўлкалар шунча урушиб ҳам кучаймади, чунки биз кўпроқ бир биримиз билан урушдик. Ўрта асрлардаги шиа vs сунний урушларидан тортиб мазҳаблар ўртасидаги қон тўкилишларигача...
Исроилнинг милитаристик давлатга айланиб кетишига ҳам урушлар сабабчи. Улар душманини яхши билади, танийди. Еврей билан еврей урушмайди. Ҳамкорлик қилади. Бутун дунё еврейлари керак бўлса бирлаша олади. Мафиями, олимми, савдогарми фарқи йўқ.
IMI-Israel Military Industries ва IWI - Israel Weapon Industries лар қурол яроқ ишлаб чиқариш ва сотиш бўйича дунёда етакчи ўринларда турадиган компаниялар. Сен Контр-Страйкда ўйнайдиган "Дигл" (Desert Eagle) пистолети, Galil автомати ва UZI пистолет пулемётини ҳам шулар ишлаб чиқаради.
Нега кичкинагина Исроилда бундай гигант қурол заводлар бор? Чунки улар ўраб олинган, ҳатто қизлари ҳам мажбурий харбий хизмат ўтайди. Бошиданоқ келажакда шундай ишлар бўлишини прогноз қила билишган. Улар учун одам қиммат, ҳудкуш мусулмон каби арзон эмас. Шунинг учун дронлар яратишган.
Еврейлар қизларини ўқитади, химик, биолог, физик қилади. Кеча эса Афғонистонда қизлар ўқийдиган мактабни портлатиб юборишди... Қизларга ўқиш мумкинмас экан... 100 лаб қизлар ўлдирилди...
Яна Исроил кечиримли давлат эмас. Бунинг учун Адольф Эйхман кейси, Мюнхен-72 ва "Қора сентябрь" кейсларига қаралсин. Улар ўлганлар учун ҳамиша қасос олишади. Кимнидир кутишмайди.
Улар бутун дунёдан еврейларни ўзларига чорлашади. Ўзбекистон, Россия, Европа, ҳаттоки Эфиопиядан қора еврейларни ҳам (балки ишонмассан) Бой мусулмон давлатлар эса камбағал араб давлатларига тупурган. Саудия Яманни уради. Тожик қирғиз билан урушади. Ироқ билан Эрон 8 йил урушган... Урушлар нима, оддий маҳаллийчилик қандай даражада ривожланган бизларда... Водийликлар фалондака, Воҳаликлар пистондака, хариплар, индейслар...
Так что менимча бугунги кундаги вазиятимиз учун агар кимдадир айб бўлса, у мусулмонларнинг ўзларидадир.
Яна кимдир Исроилни орқасида АҚШ турибдида усиз капейка дейди... Ҳа бу конспирология эмас. АҚШ нинг энг бой, энг қудратли шахсларини қара, улар кимлар? Яҳудийлар. Улар ҳамиша ўз ватанларини четдан бўлсада қўллаб келишади.
Мен кўп гапириб юбордим, қўшнимни ўғли калта пайпоқ кийган экан, бориб бир ақл ўргатиб келай унга.
Исроил-Фаластин можаролари бўйича энг тезкор хабарлар ва таҳлилий мақолаларни, дунёдаги бошқа муҳим янгиликларни эса @burchakostida каналимизда кузатиб боринг.
@nurbekalimov
22 views07:04
S
